Balalar jedel jáne jiti respıratorlyq vırýstyq ınfeksııaǵa jıi shaldyǵýda. Qazirdiń ózinde oblystyq balalar aýrýhanasynda JRVI (jedel respıratorlyq vırýstyq ınfeksııa) jáne JRA (jedel respıratorlyq aýrýlar) dıagnozymen 230-dan asa bala jatqyzylǵan. Dárigerlerdiń aıtýynsha, úıde aýyryp jatqan balalar da kóp. Ata-analar balalarynyń qyzýy uzaq ýaqyt túspeıtinine alańdaýly. Kóp jaǵdaıda jótel qysady. Jurtshylyq arasynda «bul kovıdtyń bir túri» degen áńgime jeldeı esip tur.
Deıturǵanmen dárigerler bul maýsymdyq sýyq tııý aýrýlary ekenin aıtyp, kópshiliktiń alańdamaýyn surap otyr.
- Kúzgi kezeńde bizde vırýstyq respıratorlyq ınfeksııalar men tumaý maýsymy bastalady. Bul - maýsymdyq ınfeksııa. Balalardyń kovıd juqtyrǵan ózge balalarmen birge jatqany týraly rastalǵan aqparat joq, - dep habarlady óńirlik balalar aýrýhanasynan.
Balalar aýrýhanasynyń málimetinshe, munda kún saıyn 100-120 naýqas bala qabyldanady. Biraq barlyǵy aýrýhanaǵa jatqyzylmaıdy. Qazirgi kúni juqpaly aýrýlar stasıonarynda 236 bala em alyp jatyr.
- Stasıonar tolyq qýatta jumys istep jatyr, qajet bolǵan jaǵdaıda qosymsha tósek-oryndar ornalastyrýǵa daıynbyz, - dep qosty aýrýhanadan.
Pavlodar oblysy
