Aıtýly jobaǵa jetekshilik etetin agenttiktiń atqarýshy dırektory Aısulý Tánı atap ótkendeı, «Dala Voices» jas ártisterdiń daýysy arqyly elimizdiń mádenıetin jan-jaqty qyrynan áıgileıdi. «Bul ataýdyń sımvoldyq máni bar: «Dala daýystary» – erkindik, qýat jáne otandyq vokal mektebine tán tabıǵı dybys shyǵarý kúshi», – dep málimdedi ol.
Ártisterdi irikteý onlaın-tyńdalym arqyly ótti. О́tinimder elimizden bólek, Qyrǵyzstan, О́zbekstan, Ýkraına, Belarýs, basqa da shet memleketterden kelip túsken. Irikteýge sonymen qatar sheteldik agenttikterdegi ánshiler de qatysqan.
Al jobanyń kórkemdik jetekshisi, Qazaqstannyń eńbek sińirgen qaıratkeri Jupar Ǵabdýllınanyń aıtýynsha, «Dala Voices» agenttigin qurý onyń órshil oıy bolǵan ári buǵan ol uzaq jyl daıyndalǵan.
– Ánshilerdi kásibı turǵyda kótermelep otyratyn agenttik qurý – meniń burynnan bergi armanym edi. Batysta bul júıe baıaǵydan jumys isteıdi. Agenttik bolmasa, ártis úlken sahnaǵa shyǵa almaıdy deýge bolady. Bizdiń jas oryndaýshylarymyzdyń da álemdik sahnalarda jumys isteý múmkindigi bolǵanyn qaladym, – dedi ánshi.
Sondaı-aq Jupar Ǵabdýllına ózi úshin ártistiń daýsynan bólek, jeke tulǵasy mańyzdy ekenin de atap kórsetti.
– Biz adamǵa jan-jaqty qaraımyz: tembr men tehnıka mańyzdy, alaıda onyń ishki álemi de, jumys isteýge jáne damýǵa daıyndyǵy da zor mánge ıe, – dep atap ótti ol.
Kórkemdik jetekshi basa toqtalǵandaı, jas ánshiler menedjmenttiń azdyǵy, alańdardyń jetispeýshiligi, halyqaralyq baılanystardyń bolmaýy syndy aıtarlyqtaı qıyndyqtarǵa tap bolady. Sondyqtan elimizdegi alǵashqy opera agenttiginiń ashylýy olarǵa úlken serpin bereri sózsiz.
– Bizdiń oryndaýshylarymyzdyń daýystary jas, olarǵa úırený, ósý jeńilirek. Alaıda bul kezeńde olarǵa kásibı qoldaý da kerek. Jas ánshilerdi qoltyǵynan demep, baıqaýlar men halyqaralyq festıvaldarǵa qatystyrý, sondaı-aq álemdik teatrlardaǵy operalyq spektaklderde basty partııalardy oryndaýdy uıymdastyrý mańyzdy, – degen Jupar Ǵabdýllına alǵashqy tanystyrylym alańyna aınalǵan «Astana Operaǵa» óz rızashylyǵyn bildirdi:
– Bul – bizge kórsetilgen zor senim. Bastamamyzǵa qoldaý bildirip, elimizdiń bas teatrynyń qabyrǵasynda konsert uıymdastyrýǵa jaǵdaı jasaǵany úshin dırektor Aleksandr Sovostıanovke alǵysymdy aıtamyn. Agenttikte alys-jaqyn shetelden quralǵan kóptegen halyqaralyq baıqaýlardyń laýreattary, daryndy jas solısterdiń bar ekenine qaramastan búgingi birinshi konserttik baǵdarlamamyz ázirge tek otandyq oryndaýshylardyń qatysýymen ǵana ótip otyr, – dedi ánshi.
«Dala Voices»-tiń josparlary aýqym-dy. Aldaǵy ýaqytta ujym quramy keńeıedi, keleshekte halyqaralyq mentorlardyń qatysýymen rezıdent-baǵdarlama qurý, sonymen qatar TMD men Eýropaǵa gastrolmen barý maqsaty tur. Negizgi basymdyq – otandyq ánshilerdi álemdik deńgeıge shyǵarý. Jupar Ǵabdýllınanyń aıtýynsha, kóptegen iri sheteldik agentter qazaqstandyq vokalısterdiń aıryqsha tembrlik boıaýyn atap ótedi, bul dara qasıet olardy eýropalyq oryndaýshylardyń arasynda erekshelep turady.
Aıtýly konsert jobanyń alǵashqy qadamy ári onyń resmı túrde dúnıege kelýiniń bastaýy ǵana emes, sonymen qatar kórkemdik jetekshi aıtqan maqsattarǵa bir taban jaqyndatqan jarqyn kezdesý bolǵany da anyq. Mazmundy ári san alýan baǵdarlama aıasynda Batys eýropalyq hám otandyq kompozıtorlardyń týyndylarynan tanymal arııalar shyrqaldy. Dala daýysy áýelegen keremet keshte sopranolar – Ulpan Áýbákirova, Láılá Alamanova, Fırýza Rahmetova men Dilnaz Omarhanova, tenorlar – Balýan Berkenov (Almaty), Talǵat Allabirinov, sondaı-aq barıtondar Dinmuhamed Kóshkinbaev, Rasýl Jarmaǵambetov, Azat Málik pen Sultan Baqytjan óner kórsetti. Messo-soprano Elmıra Shpekpaevanyń tamasha daýysy da talǵampaz kórermen kóńilinen oryn aldy. Aldaǵy ýaqytta agenttik atalǵan konserttik baǵdarlamany Almatyda tanystyrýdy josparlap otyr.
