Foto: Ashyq derekkóz
Kezdesý Nıderlandtaǵy Odenzal qalasynda ótti. Qazaqstan quramasynyń qaqpasyn «Qaırattyń» jas qaqpashysy Sherhan Qalmyrza qorǵady. Ol birneshe qaýipti sátterde komandany goldan qutqaryp, matchtyń basty qaharmandarynyń biri atandy. Jalǵyz jáne jeńisti goldy almatylyq shabýylshy Azamat Tuıaqbaev saldy.
Oıynnyń sońǵy mınýttarynda, atap aıtqanda 90-mınýtta, qorǵaýshy Karım Muhametjan alańnan qýylyp, Qazaqstan quramasy kezdesýdi az quramda aıaqtady.
Endi Qazaqstan quramasy 15 qarasha kúni Nıderland quramasymen kezdesedi. Al sońǵy týrda, 18 qarashada, Kıpr komandasyna qarsy oınaıdy. Aıta keteıik, Nıderland birinshi týrda Kıprdi 7:0 esebimen oısyrata jeńgen bolatyn.
Jankúıerlerdiń erekshe súıispenshiligine ıe bolǵan Sherhan Qalmyrza búginde eldegi eń tanymal fýtbolshy atandy. «Qaırattyń» 18 jastaǵy qaqpashysyna áleýmettik jelilerde 350 myńnan astam adam jazylǵan.
