Qaladaǵy Muqan Tólebaev kóshesi, 5 mekenjaıyndaǵy «Arystan» turǵyn úı kesheninde apat bolyp, bir lıft qyzmetkeri oqıǵa ornynda qaza tapty.
«Astana qalasynyń qoǵamdyq densaýlyq basqarmasy málimetinshe, taǵy eki qyzmetker qalalyq kópsalaly №1 aýrýhanaǵa jetkizilgen. Bir adamnyń jaǵdaıy ortasha aýyrlyqta, ekinshisiniki aýyr dep baǵalanýda. Bir pasıent anestezıologııa, reanımasııa jáne qarqyndy terapııa bóliminde, ekinshisi kópsalaly jaraqat bólimine jatqyzylǵan», delingen qoǵamdyq densaýlyq saqtaý basqarmasy taratqan habarlamada.
Jaraqat alǵandarǵa barlyq qajetti medısınalyq kómek kórsetilip jatyr.
Astana qalasy polısııa departamentiniń málimetinshe, adamnyń ólimine ákep soqqan eńbek qaýipsizdigi erejelerin buzý faktisi boıynsha qylmystyq is qozǵaldy.
