Foto: Erlar Omar
Eńbek jáne halyqty áleýmettik qorǵaý mınıstrligi sondaı-aq, túrli uıymdarda júrgizilgen tekserýler barysynda eńbek quqyǵy buzylýynyń 6,5 myńnan astam deregi tirkelgenin habarlady.
«Jalaqy boıynsha bereshegi jáne eńbek quqyǵynyń buzylýy anyqtalǵan kásiporyndardyń basshylaryna oryndaýǵa mindetti 3 369 uıǵarym berildi jáne 428,2 mln teńgeden astam somaǵa aıyppul salyndy.Qabyldanǵan sharalardyń, onyń ishinde jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 9,6 myń jumyskerdiń quqyqtary qorǵaldy. Olarǵa 2 mlrd teńge tólendi», delingen habarlamada.
Vedomstvo eńbek zańnamasynyń saqtalýyna memlekettik baqylaýdy erekshe nazarda ustap otyr. 2025 jylǵy 1 qarashaǵa deıin eńbek ınspektorlary 5 306 tekserý júrgizip, 6 571 zańbuzýshylyqty anyqtaǵan. Onyń ishinde eńbek salasynda – 5 427, eńbek qaýipsizdigi jáne eńbekti qorǵaý boıynsha – 1 111, halyqty jumyspen qamtý boıynsha – 33.
Atqarylǵan jumystardyń nátıjesinde 40 myń jumyskerdiń eńbek quqyǵy qorǵalǵan.
