«Taza Qazaqstan» respýblıkalyq ekologııalyq aksııasy aıasyndaǵy is-sharalar josparǵa sáıkes oryndalýda. Onlaın-platforma arqyly da jumys júrgizilýde. Búgingi kúnge deıin Telegram-botqa 1123 ótinish kelip tústi, onyń 880-i oryndaldy, 233-i keri qaıtaryldy, al 10-y oryndalý ústinde.
- Búgin osy jylǵy sońǵy senbilikti ótkizdik. Aýa raıynyń qolaısyzdyǵyna boılanysty aksııa aıasyndaǵy jumystardy kelesi jyly jalǵastyratyn bolamyz, – dedi oblystyq turǵyn úı-kommýnaldyq sharýashylyq jáne abattandyrý basqarmasynyń kógaldandyrý jáne abattandyrý bólimi basshysy Bekzat Kárimov.
- Búgin áriptesterimizben «Taza Qazaqstan» ekologııalyq aksııasy barysynda ótkizilip jatqan senbilikke qatystyq. Mundaı sharalardan qalys qalǵan emespiz. Elimizdiń taza bolýyna árbir azamat úlesin qosýy kerek, – deıdi sharaǵa qatysqan Ermek Ibragımov.
Almaty oblysy.
