Foto: elorda.info.kz
Qys – ortasha jyly, biraq qubylmaly bolady
Boljamǵa sáıkes, aldaǵy qys elimizdiń kóp óńirinde klımattyq normadan aýytqymaǵan, asa qatqyl emes minez tanytady. Jaýyn-shashyn mólsheri ortasha deńgeıde saqtalǵanymen, qys boıy jekelegen kúnderi boran, jeldiń kúsheıýi, mol qar, kóktaıǵaq jáne tuman sııaqty qolaısyz jaǵdaılar týyndaýy yqtımal. Qazgıdromet mamandary mundaı qubylystardyń der kezinde habarlanyp otyratynyn atap ótti.
Atlanttyq sıklon áseri: jańbyr, qar jáne kóktaıǵaq
Jaqyn kúnderi Qazaqstan aýmaǵynyń basym bóliginde aýa raıynyń turaqsyz sıpaty saqtalady. Buǵan elimizge jyljı kirgen kezekti atlanttyq sıklon sebep bolyp otyr. Onyń áserinen jańbyr men qar túrindegi jaýyn-shashyn kútiledi, soltústik óńirlerde baıaý jyldamdyqtaǵy boran soǵyp, kóktaıǵaq qalyptasýy múmkin. Respýblıka kóleminde jel kúsheıip, túngi mezgilderde tuman jıileıdi.
Tek ońtústik-batys óńirlerde, sondaı-aq 19–20 qarasha kúnderi shyǵys aımaqtarda antısıklon jotasynyń yqpalyna baılanysty jaýyn-shashynsyz kún raıy boljanyp otyr.
Temperatýra aıtarlyqtaı ózgermeıdi
Sınoptıkterdiń aıtýynsha, aldaǵy kúnderi temperatýralyq fon turaqty saqtalady. Tek shyǵys óńirlerde túnde aıaz 6–23 gradýsqa deıin tómendep, kúndiz aýa temperatýrasy 2–10 gradýs jylylyqty kórsetedi.
Qazgıdromet mamandary qys mezgiline qatysty jańartylǵan derekter men egjeı-tegjeıli boljamdar mekemeniń resmı resýrstarynda turaqty jarııalanyp otyratynyn habarlady.
