Otaǵa medısına ǵylymdarynyń doktory, Semizdik pen qant dıabeti hırýrgııasy ortalyǵynyń jetekshisi, professor Oral Ospanov qatysty. Sondaı-aq operasııany Ile aýdandyq aýrýhanasynyń hırýrgııa bóliminiń meńgerýshisi Ańsat Taýbaldıev jáne hırýrg Ádilhan Karıpbaev júrgizdi.
Barıatrııalyq-metabolıkalyq operasııa — semizdikti jáne onymen baılanysty aýrýlardy (ásirese 2 tıpti qant dıabetin) emdeýge arnalǵan hırýrgııalyq ádisterdiń jalpy ataýy. Bul operasııalardyń negizgi maqsaty salmaqty turaqty túrde azaıtý jáne zat almasýdy jaqsartý bolyp sanalady.
«Mundaı otalardyń aýdandyq deńgeıdegi aýrýhanalarda jasalýy – halyqqa joǵary tehnologııalyq medısınalyq kómektiń qoljetimdiligin arttyrýdaǵy mańyzdy qadam. Bul emdelýshilerge tıimdi ári zamanaýı emdi turǵylyqty jerinde alýǵa múmkindik beredi. Ile aýdandyq aýrýhanasynyń kásibı daıyndyǵy men zamanaýı hırýrgııa baǵyttaryn damytýǵa degen talpynysyn erekshe atap ótkim keledi», dedi Oral Bazarbaıuly.
Aıta ketý kerek, medısınalyq qyzmet tolyqtaı mindetti áleýmettik medısınalyq saqtandyrý júıesi aıasynda tegin kórsetildi. Bul naýqasqa qajetti jáne ýaqytyly joǵary bilikti medısınalyq kómekti eshqandaı qarjylyq shyǵynsyz alýǵa múmkindik berdi.
Almaty oblysy
