«Jan Shýaq» qoǵamdyq syılyǵy tabystaldy

Elordadaǵy Beıbitshilik jáne kelisim saraıynda myńǵa jýyq meıman men rásimge qatysýshy jınaldy.

Sóz basynda Májilis spıkeri, «Amanat» partııasynyń tóraǵasy Erlan Qoshanov partııa erekshe qajettiligi bar adamdarǵa árqashan aıryqsha nazar aýdaratynyn, al «Jan Shýaq» syılyǵyn ótkizý qadamy ómirimizdiń ajyramas bóligine jáne taǵdyr talqysyna tap bolǵan myńdaǵan otandasymyzǵa jańa múmkindik bergen ıgi dástúrge aınalǵanyn atap ótti.

«Memleket basshysy Qasym-Jomart Toqaevtyń basshylyǵymen áleýmettik ádilettilikti nyǵaıtý, barlyq azamatqa teń múmkindik usyný baǵytynda eleýli qadamdar jasalyp jatyr. Endi bir ret­tik sharalardan júıeli sheshim­derge, ıaǵnı ornyqty, tolyq­qan­dy, naǵyz kedergisiz orta qurý­ǵa kóshtik. Áleýmettik qoldaý kórsetý tetikteri de jetildi. Sıfr­lyq sheshimder engizilýde. Ol qyzmetterdi ońaı ári jyldam alýǵa jol ashyp otyr. Buǵan qosa ınklıýzııa orta­lyqtarynyń jelisi keńeıip, bilim alýǵa, eńbek etýge jáne qoǵam ómirine erkin aralasýǵa múmkindik týǵyzylyp jatyr», dedi ol.

Májilis spıkeri aldaǵy ýaqyt­ta «Jan Shýaq» syılyǵyna halyq­aralyq mártebe beriletinin jáne oǵan ártúrli memlekettiń kór­nek­ti qoǵam qaıratkerleri qatysa alatynyn aıtty. Ol erekshe qajet­tiligi bar adamdar kún saıyn taban­dylyq tanytyp, barshaǵa úlgi bolyp júrgenin atap ótti. Búginde elimizde múgedektigi bar adamdar ómirdiń qıyndyǵyn jeńip qana qoımaı, zor jetistikke jetken oqıǵalar da az emes. Máselen, jýyrda estý qabileti buzylǵan jandardan quralǵan «Sensitive» bı teatrynyń ujymy Qytaıda ótken halyqaralyq festıvalda Gran-prı ıelendi. Sondaı-aq 19 jastaǵy Dıana Myrzaǵalıevanyń oqıǵasy da talaıdy tańǵaldyrdy. Ol aýyr dertten aıyqqannan keıin myńnan asa bala men volonter bilim alǵan Inklıýzıvti akademııa qurdy.

Sondaı-aq partııa tóraǵasy Parlamenttiń 20 depýtaty bas qosqan «Inklıýzıvti Parlament» depýtattyq tobynyń jumysy týraly aıtty. Olardyń tarapynan atqarylyp jatqan aýqymdy jumys arqyly árbir áleýmettik mańyzy bar zań múgedektigi bar adamdardy qoldaý jónindegi normalarmen tolyqtyrylyp otyrady. Atap aıtqanda, búginde I toptaǵy múgedektiń jubaıy da jeke kómekshisi atana alady. Son­daı-aq mıkrotııa jáne atre­zııaǵa shaldyqqan balalar múg­edek­tigin rastamaı-aq estý appa­rat­taryn jergilikti bıýdjet ese­binen ala aldy. Sonymen qatar bıyl Marakesh kelisimi ratıfıkasııalandy. Qujat kórý qabileti buzylǵan adamdardyń kitapqa qoljetimdiligin arttyrýǵa, avtorlar men avtorlyq quqyq ıelerinen ruqsat almaı-aq shyǵarmalardy beıimdeýge múmkindik beredi.

Májiliste erekshe bilim berý qajettiligi bar balalardyń tur­mysyn jaqsartýǵa jáne bilim sapasyn arttyrýǵa arnalǵan «Múmkindigi shekteýli balalardy keshendi qoldaý týraly» jańa zań jobasy boıynsha jumys bastaldy. Al jýyrda depýtattar jańa Qurylys kodeksin qabyldaıdy. Onda kedergisiz orta máselesi negizgi basymdyq retinde aıqyndalady. Osylaısha, ónerkásip jáne turǵyn úı nysandaryn jobalaý kezeńinde qoljetimdilik máselesine qatysty qoıylatyn talaptar kúsheıedi.

Sondaı-aq Erlan Qoshanov jýyrda «Amanat» partııasynyń barlyq óńirlik fılıaldary janynan respýblıkalyq deńgeıge uqsas ınklıýzııa máseleleri bo­ıynsha keńester qurylatynyn aıtty. Olar kedergisiz orta qurý, ınklıýzıvti qoǵam qalyptastyrý, múgedektigi bar azamattardyń turmysyn jaqsartý baǵytyndaǵy ózekti máseleler sheshiletin tıimdi qoǵamdyq alańǵa aınalady.

О́z kezeginde, Qazaqstan múgedekter konfederasııasynyń prezıdenti Janat Omarbekova «Jan Shýaq» syılyǵyn tapsyrý rásimi 2008 jyldan beri ótkizilip kele jatqanyn jáne osy jyldar aralyǵynda 130-ǵa jýyq adam marapattalǵanyn atap ótti. Bıyl taǵy 8 laýreat anyqtaldy.

«Bizdiń qoǵamda ár adam qandaı jaǵdaıda bolsyn, teń múmkindik pen quqyqqa ıe bolýy kerek. Bul – osy qaǵıdany júzege asyratyn, basqa túsken qıyndyqty jeńe biletin, tabandylyq tanytatyn, bar­shamyzǵa shalqar shabyt syı­laıtyn jandardyń eren eńbegi es­ke­riletin syılyq. Biz erekshe qa­jet­tiligi bar adamdardyń tulǵa retin­de qalyptasýyna qajet jańa múm­kin­dikter tabýyna yqpal etemiz. «Amanat» partııasyna turaqty ári jan-jaqty qoldaý kórsetkeni úshin alǵys bildiremiz», dedi ol.

Bıyl Qaraǵandydan kelgen qoǵam qaıratkeri Merýert Jaqypova «Rýhynyń bıiktigi men jeńiske degen talpynysy úshin» syı­lyǵynyń ıegeri atandy. Mer­ýert serebraldy sal aýrýy dıag­nozyna qaramastan, ınklıýzıvti bilim berý salasynda psıholog retinde júıeli jumys istep keledi. Sondaı-aq ol azamattardy yntalandyratyn blog júrgizedi jáne jýyrda jeke kásibin ashty.

«Múgedektigi bar adamdarǵa qatysty qoǵamdyq sananyń oń ózgerýine qosqan úlesi úshin» atalymy boıynsha syılyqty «Qazaq zaǵıptar qoǵamy» QB Qostanaı fılıalynyń tóraǵasy Hamıt Ismuratov ıelendi. Ol kórý qabileti buzylǵan adamdardy ońaltý máselesimen kóp jyldan beri aınalysady, bos ýaqyt­ty tıimdi ótkizý jáne oqytý baǵdar­lamalaryn damytady, qoljetimdi orta qurýǵa kúsh salady jáne zaǵıp jandardyń quqyǵyn qorǵaıdy.

Astana qalasynyń tur­ǵyny, para armrestlıngten tórt dúrkin álem chempıony Nıkıta Ermakov «Sport salasyndaǵy úzdik jetistikteri úshin» atalymy boıynsha laýreat atandy. Nıkıta sport salasyndaǵy jetistikterinen bólek, múgedektigi bar adamdarǵa arnalǵan ashyq jattyǵýlar ótkizedi.

Elordalyq Qurbanáli Ábýov «Mádenıet salasyndaǵy úzdik jetistikteri úshin» syılyǵynyń ıegeri atandy. Ol 2008 jyldan beri arbada otyryp bıleýmen aınalysady, «hıp-hop» atalymy boıynsha álem chempıony atandy, al 2021 jyldan beri «Qanattylar» ınklıýzıvti teatrynda oınaıdy.

Taldyqorǵandyq azamat Nurbek Turǵanov «Igilik jolyn­daǵy eren eńbegi úshin» atalymy boıynsha marapattaldy. «Invataksı» qyzmetinde eńbek jolyn bastap, tabandylyǵy arqyly dıspetcherden uıym basshysyna deıingi joldan ótti.

О́skemendik Iýlııa Sharshova «Ǵylym, bilim berý qyzmetiniń damýyna úles qosqany úshin, bilim alýǵa talpynysy úshin» atalymy boıynsha syılyq ıelendi. Ol 15 jyldan asa ýaqyttan beri erek­she qajettiligi bar balalar­men jumys istep keledi, aýtızm spektri buzylǵan balalarǵa beıim­delgen bastaýysh bilim baǵdar­lamasynyń avtory sanalady.

Astanalyq Kenjegúl Kıkenova «О́ner salasyndaǵy úzdik jetis­tikteri úshin» atalymy bo­ıynsha jeńimpaz atandy. Ol eńbek tera­pevti bolyp jumys isteıdi, múge­dektigi bar adamdarǵa jáne erekshe qajettiligi bar balalardyń analaryna bısermen kesteleýdi jáne toqýdy úıretedi. Bul – erekshe qajettiligi bar adamdardy áleýmettik turǵyda beıimdeý jáne psıhologııalyq qoldaý kórsetý jumysynyń mańyzdy bóligi.

Astana qalasynyń turǵyny, júzýden Qazaqstannyń birneshe dúr­kin chempıony ári rekord ornat­qan azamat Álı Turǵanbetov sport salasyndaǵy eren eńbegi úshin Iran Omarbekov atyndaǵy qordyń arnaıy syılyǵymen marapattalady.

Ár laýreatqa 1 mln teńge kóle­minde aqshalaı syılyq tabystaldy.

«Jan Shýaq» qoǵamdyq syıly­ǵyn tabystaý rásimi estrada juldyzdarynyń qatysýymen ótken merekelik konsertpen túıindeldi.