Vıdeodan alynǵan skrınshot
Vıdeoda ne bolǵan?
Áleýmettik jeliler men BAQ-ta jedel járdem qyzmetkerleri oryndyqta uıyqtap jatqan er adamdy aıaqpen ıterip tastaǵan vıdeo tarady. Rolık avtorlary Qazaqstannyń jedel járdem qyzmetkerleri naýqasty qaraýsyz qaldyryp, kómek kórsetpesten dalada tastap ketti dep málimdedi.
«Júrgizilgen taldaý bul vıdeodaǵy adamdardyń Qazaqstan jedel járdem qyzmetkerleri emestigin kórsetti. Olardyń formasynda memlekettik jáne vedomstvolyq belgiler joq. Al bul – elimizdegi barlyq jedel járdem brıgadalary úshin mindetti talap. Sonymen qatar kıimniń túsi men úlgisi elimizde qoldanylatyn biryńǵaı standartqa sáıkes kelmeıdi», delingen mınıstrlik habarlamasynda.
Vedomstvo sóz bolǵan vıdeonyń ústine ádeıi basqa aýdıo qosylǵanyn, ol kadrdaǵy jaǵdaıdy shynaıy etip kórsetip, emosııalyq kerneýdi kúsheıtkenin atap ótti.
«Mundaı tehnıkalardy qoldaný – burmalanǵan shyndyqty usyný jáne aýdıtorııanyń emosıonaldyq qysymyn kúsheıtý maqsatynda jasalǵan manıpýlıasııalyq ádis. Bul rolıktiń maqsaty aqparat berý emes, kerisinshe, negatıvti kúsheıtip, shuǵyl qyzmetterdiń bedeline nuqsan keltirý ekenin taǵy da dáleldeıdi», dedi mınıstrlik.
Asylynda qaı jaqta bolǵan oqıǵa?
Sonymen qatar, bul oqıǵanyń 2024 jyldyń 11 naýryzynda Reseıdiń Volgograd qalasynda bolǵany jáne sol kezde reseılik aqparat quraldarynda keńinen jarııalanǵany anyqtaldy. Tekserý nátıjesinde kináli tulǵalar jaýapkershilikke tartylǵan.
«Osylaısha, eskirgen ári tolyq tergelgen oqıǵany Qazaqstan qyzmetterimen baılanystyrý – azamattardy ádeıi jańylystyrý áreketi», dep túıindedi Densaýlyq saqtaý mınıstrligi.
Mınıstrlik pablık admınıstratorlary men aqparattyq resýrs ıelerin jarııalanym aldynda derekkózderdi muqııat tekserýge shaqyrdy. Sondaı-aq el azamattarynyń shynaıy aqparat alý quqyǵyn qurmettep, memlekettik, áleýmettik jáne medısınalyq qyzmetkerlerdi ádeıi qaralaıtyn materıaldardy taratpaý qajettigin eskertti.
