Foto: Úkimettiń baspasóz qyzmeti
Úkimet basshysy Qazaqstandy Ortalyq Azııadaǵy negizgi kólik torabyna aınaldyrý týraly Prezıdent tapsyrmasyn eske salyp, saýda-logıstıkalyq habtardy qurý transshekaralyq ekonomıkalyq baılanystardy damytýdyń mańyzdy strategııalyq baǵyty ekenin atap ótti.
«Qazir tranzıttik baǵyttar men ınvestısııalar úshin básekelestik kúsheıip keledi. Osyǵan oraı bizge jerústi kólik ınfraqurylymyn, ónerkásiptik kooperasııa men saýda jelilerin jedel damytý qajet», dedi Oljas Bektenov.Sondaı-aq Oljas Bektenov transshekaralyq habtardy damytý isinde júıeli kózqaras pen saladaǵy jobalardyń júzege asyrý barysyn turaqty monıtorıng jasaý mańyzyna toqtaldy.
«Atalǵan jobalar kapıtal men jańa óndiristerdi tartý ortalyqtaryna aınalady. Osyǵan baılanysty jumys qarqynyn kúsheıtip, barlyq taraptyń ózara is-qımylyn jaqsartý qajet. Saýda mınıstrligi múddeli memlekettik organdardyń jumysyn tıimdi úılestirýi kerek», dedi Úkimet basshysy.
Úkimet tranzıttik jáne logıstıkalyq ınfraqurylymdy damytý úshin bızneske qolaıly jaǵdaı jasap, transshekaralyq habtardyń ınvestısııalyq tartymdylyǵyn arttyrýdy da kózdep otyr.
«Atap aıtqanda, ınjenerlik ınfraqurylymnyń daıyndyǵyn qamtamasyz etý, arnaıy ekonomıkalyq aımaqtar qurý, rásimderdiń ashyqtyǵy jáne memlekettik organdar men ákimdikterdiń jedel áreket etýi sııaqty máselelerdi sheshýge basymdyq bergen jón», dep tapsyrdy Premer-mınıstr.
