Foto: polisia.kz
Top músheleri Almaty kóshelerinde júrgen shetel azamattaryna jaqyndap, polısııa retinde turyp jatqan mekenjaılaryn teksergen. Sodan keıin aqsha talap etken.
Polısııanyń aldan ala keltirgen dereginshe, kúdiktiler sheteldikterden shamamen 5,5 mıllıon teńge kóleminde qarajat alǵan.
Jedel-izdestirý sharalarynyń nátıjesinde kúdiktiler qolǵa túsip, ýaqytsha ustaý ızolıatoryna qamalǵan.
«Polısııa qyzmetkerleriniń jedel jumysynyń arqasynda kúdiktilerdiń tulǵasy qysqa ýaqyt ishinde anyqtaldy. Qazirgi ýaqytta bopsalaý deregi boıynsha qylmystyq is qozǵaldy. Árbir zańsyzdyq faktisi muqııat tekserilip, kináliler mindetti túrde jaýapqa tartylady», dedi Alataý aýdandyq polısııa basqarmasynyń bastyǵy Edilhan Baıǵaraev.
Almatylyq IIM mamandary qazir kúdiktilerdiń basqa da qylmysqa qatysy bar-joǵyn tekserip jatyr.
