Associated Press agenttiginiń habarlaýynsha, prezıdenttik saraıdyń kitaphanasynda ótken basqosýda Papa Túrkııany álemdegi turaqtylyq pen dıalogtyń tiregi bolýǵa shaqyrdy. О́z sózinde XIV Lev Túrkııanyń tarıhı rólin joǵary baǵalap, ony «Shyǵys pen Batysty baılanystyratyn kópir, dinder men mádenıetter toǵysqan meken» dep atady.
Erdoǵan óz kezeginde álemdegi musylmandarǵa qatysty kemsitýshilikke nazar aýdaryp, popýlıstik saıasatkerler medıa jáne áleýmettik jeliler arqyly órship otyrǵanyn aıtty.
Sondaı-aq ol Papanyń Stambuldaǵy Kók meshitke barý nıetin musylman qaýymymen konstrýktıvti baılanys ornatý qadamy retinde quptady.
Ankara sapary barysynda pontıfık qazirgi Túrkııanyń negizin qalaýshy Mustafa Kemal Atatúriktiń kesenesine zııarat etti. 28 qarasha kúni XIV Lev Stambuldaǵy katolık shirkeýine, hospıske jáne Vatıkan ókildigine barmaq. Odan keıin ol Iznık qalasyna jol tartyp, Nıkeı soborynyń 1700 jyldyq mereıtoıyna qatysady. Budan keıin pontıfıktiń shetel sapary Lıvanda jalǵasady.
