Foto: Ulttyq bank
Ulttyq bankte ótken brıfıngte tóraǵa Tımýr Súleımenovke buqaralyq aqparat quraldary tarapynan basshylyq quramǵa 1,7 mlrd teńge kóleminde syıaqy taǵaıyndaldy degen derekke qatysty suraq qoıyldy.
Onyń aıtýynsha, atalǵan somaǵa syıaqy emes, jalaqy men basqa da mindetti tólemder kiredi.
«1,7 mlrd teńgede jalaqy, saýyqtyrý tólemi, oqytý, eńbek demalysy tólemi, ıaǵnı, biz alǵan aqylardyń bári eseptelingen. Syıaqy emes», dedi Ulttyq bank tóraǵasy.
Esterińizge sala keteıik, Úkimette ótken baspasóz máslıhatynda jýrnalısterdiń biri Ulttyq bank tóraǵasy Tımýr Súleımenovten 2024 jyly Ulttyq bank jetekshileri ózderine qomaqty kólemde – 1,7 mlrd teńge syıaqy jazdyryp alǵany týraly suraǵan edi. Alaıda, moderator bul máseleni talqylaýdy «kún tártibine saı emes» dep toqtatty.
