Astanada ótken aýyl ákimderiniń dıalog alańynda Memleket basshysy jergilikti basqarýdaǵy túıtkilderge nazar aýdardy. Shara barysynda Qyzyljar aýdany Vagýlın aýyldyq okrýginiń ákimi Irına Shıshkına aýyl ákimderi memlekettik derekter bazalaryna qol jetkize almaıtynyn aıtty.
«Men bilmeımin, nege bulaı boldy? Qandaı qupııasy bar? Bul máseleni sheshý kerek sııaqty. Buǵan kim jaýap bere alady? Oljas Abaıuly, kim? Nege aýyl ákimderi qoljetkize almaı otyr? Jasandy ıntellekt jáne sıfrlyq damý vıse-mınıstri...», dedi Toqaev.
Prezıdent suraǵyna vıse-premer, jasandy ıntellekt jáne sıfrlyq damý mınıstri Jaslan Mádıev jaýap berdi.
«Qurmetti Qasym-Jomart Kemeluly, máseleni túsindik. Búginde elektrondy úkimet shlıýzi dep atalatyn arnaıy platforma bar. Sol arqyly memlekettik derekter bazalaryna qoljetimdilikti qamtamasyz etý baǵytynda jumys júrgizemiz», dedi Mádıev.
Toqaev bul jumysty jedeldetýdi tapsyrdy.
«Osyndaı kemshilikterdiń saldarynan mundaı máseleler kóp nemese ákimder turǵyndardyń suraqtaryna naqty jaýap bere almaıdy. Keı jaǵdaıda ózderin dármensiz sezinedi. Buǵan jol berýge bolmaıdy», – dedi Prezıdent.
