Delegasııalar Qazaqstan Prezıdenti Qasym-Jomart Toqaevpen kelissózder qorytyndysy boıynsha qol jetkizilgen ýaǵdalastyqtar sheńberinde saýda-ekonomıkalyq qatynastardy damytý máselelerin talqylady.
Investısııalyq baılanystardy keńeıtýge, ónerkásiptegi, aýyl sharýashylyǵyndaǵy, energetıkadaǵy, sıfrlyq, kólik-logıstıkalyq, sý salalaryndaǵy jáne taǵy da basqa ózara is-qımylǵa nazar aýdaryldy.
Shveısarııa – elimizdiń turaqty ekonomıkalyq seriktesi ári ekijaqty saýda kólemi boıynsha 15 jetekshi eldiń qataryna kiredi. Bıyl 9 aıda bul kórsetkish shamamen 1,1 mlrd dollarǵa jetti. Byltyr ózara taýar aınalymy 26,2%-ǵa ulǵaıyp, 1,7 mlrd dollardan asqan edi. Otandyq ónim eksporty 30,6%-ǵa ósti.
Taraptar ınvestısııalyq yntymaqtastyqty damytýǵa arnalǵan basym baǵyttarǵa da toqtaldy. 2025 jyldyń birinshi jartyjyldyǵynda Shveısarııadan Qazaqstanǵa tartylǵan tikeleı ınvestısııa kólemi 34,2%-ǵa ulǵaıyp, 568 mln dollardy qurady.
Kólik-logıstıka salasynda halyqaralyq marshrýttardy, teńiz porttaryn, logıstıkalyq ortalyqtardy jáne eksporttyq-logıstıkalyq óndiristerdi damytý boıynsha yntymaqtastyq áleýeti talqylandy. Sátti mysal retinde Stadler Kazakhstan jolaýshylar vagondaryn shyǵarý jobasy keltirildi. Qazaqstannyń avıahabtardy damytý boıynsha júrgizip jatqan jumystary sheńberinde avıasııa salasyndaǵy múmkindikteri atap ótildi.
Negizgi baǵyt bolyp ónerkásiptik kooperasııa qala beredi. Birlesken jobalar pýly shamamen 3,3 myń jumys ornyn ashýǵa múmkindik beretin 1,6 mlrd dollarlyq birqatar iri jobany qamtıdy. О́nerkásip salasyndaǵy tehnologııalar transferi aıtarlyqtaı áleýetke ıe.
IT-tehnologııalar salasynda elimizdiń sıfrlyq kún tártibimen sáıkes keletin ortaq múddeler belgilendi. Yntymaqtastyqtyń áleýetti baǵyttary medısınaǵa, ónerkásipke, «aqyldy» qalalardyń sıfrlyq ınfraqurylymyna, taǵy da basqa salalarǵa JI-sheshimderdi engizý máselesin qamtıdy.
Aýyl sharýashylyǵy salasynda irimshik pen basqa da premıým-klasty sút taǵamdaryn óndirý úshin sút ónimderin qaıta óńdeý salasynda shveısarııalyq ozyq tehnologııalardy paıdalana otyryp, birlesken kásiporyndar qurý múmkindigi týraly atap ótildi.
Sondaı-aq sý resýrstaryn basqarý salasyndaǵy áriptestik máseleleri talqylandy. Olardy utymdy paıdalanýǵa ári ozyq ınjenerlik sheshimderdi engizýge basa nazar aýdaryldy.
Qarjy, áleýmet, energetıka salalaryndaǵy, sondaı-aq ShOB-ty qoldaý boıynsha ózara is-qımyldy keńeıtýge qatysty usynystarmen Economiesuisse syrtqy ekonomıkalyq baılanystar jónindegi shveısarııalyq kásiporyndar qaýymdastyǵynyń prezıdenti Krıstof Meder, «SWISSMEM» kompanııasynyń bas dırektory Shtefan Brýpbaher, shveısarııalyq eksporttyq táýekelderdi saqtandyrý (SERV) dırektorlar keńesiniń tóraǵasy Barbara Haıo, Switzerland Global Enterprise bas dırektorynyń orynbasary Anıa Fıdler, Stadler Rail AG dırektorlar keńesiniń tóraǵasy Peter Shpýler, Birikken saýda palatasynyń (JCC) prezıdenti Marsel Pavlıchek, Shveısarııa Konfederasııasy Ulttyq keńesiniń múshesi jáne Qazaqstan-Shveısarııa parlamenttik dostyq tobynyń múshesi Roland Rıno Bıýhel, Shveısarııa Konfederasııasy ekonomıkasynyń memlekettik hatshylyǵynyń Eýropa jáne Ortalyq Azııamen ekijaqty yntymaqtastyq bóliminiń keńesshisi Iohen Iаnsen sóz sóıledi.
Qazaqstan tarapynan Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev, Kólik mınıstri Nurlan Saýranbaev, О́nerkásip jáne qurylys mınıstri Ersaıyn Naǵaspaev, sondaı-aq «Atameken» UKP tóralqa tóraǵasy Raıymbek Batalov pikir bildirdi.
Kezdesý qorytyndysy boıynsha taraptar yntymaqtastyqty is júzinde keńeıtýge jáne ekijaqty qatynastardy odan ári tereńdetýge beıil ekendikterin rastady.
