Vedomstvo málimetinshe, 77 jastaǵy er adam men 67 jastaǵy zaıyby belgisiz bireýlerdiń qońyraýyna senip qala jazdaǵan. О́zin bank qyzmetkeri retinde tanystyrǵan alaıaqtar olardyń depozıti «buzylǵanyn» aıtyp, qarajatty «qaýipsiz sheteldik shotqa» tez arada aýdarýdy talap etken.
Zeınetkerler kúmándanǵanyna qaramastan, shottarynan 3 mıllıon teńge sheship alyp, bankte aýdarym jasaýǵa kelgen. Sol kezde kassa qyzmetkeri tólemniń maqsaty retinde kórsetilgen «dárigerge alǵys» degen belgileýge kúmándanyp, birden polısııa shaqyrǵan.
Oqıǵa ornyna kıberqylmysqa qarsy is-qımyl basqarmasynyń qyzmetkerleri kelip, zeınetkerlerge alaıaqtyq jasalǵanyn túsindirdi. Polıseıler aqshany depozıtke qaıta salýǵa kómektesip, qońyraý shalǵan tulǵalardyń nómirlerin buǵattady.
Zeınetkerler polıseıler men kassırge alǵystaryn bildirip, jaǵdaıdy bylaı baıandady: «Bizge bireý habarlasyp, depozıtimizge qaýip tónip turǵanyn aıtty. Aqshany alyp, basqa shotqa jiberý kerektigin túsindirdi. Jubaıym soǵan senip qala jazdady. Ýaqtyly toqtatqan kassır men polısııaǵa raqmet».
