Foto: Pavlodar oblystyq QAJD
2005 jylǵy azamat ızolıatorda tergelip jatqan tanysyna azyq-túlik ákelgen. Mekeme qyzmetkerleri sálemdemeni tekserý barysynda arasyna salynǵan qysqy aıaq kıimdi kóredi.
«Egjeı-tegjeıli tekserý kezinde aıaq kıimniń ultaraǵy astyna muqııat jasyrylǵan uıaly telefon tabyldy. Atalǵan zat tárkilendi. Sálemdemeni ákelgen azamatqa qatysty QR Ákimshilik quqyq buýshylyq týraly kodeksiniń 481-baby («Qylmystyq atqarý júıesiniń mekemelerinde, arnaýly mekemelerde ustalatyn adamdarǵa tyıym salynǵan zattar, buıymdar men nárseler berý») boıynsha hattama toltyryldy», dep habarlady óńirlik qylmystyq-atqarý júıesi departamentinen.
Departament mamandary tyıym salynǵan zattardy tergeýde otyrǵandar men sottalǵandarǵa zańsyz berý áreketteri ákimshilik jaýapkershilikke ákep soqtyratynyn eske salady.
