Bilim • 01 Jeltoqsan, 2025

Aýyl mektepteriniń oqýshylary respýblıkalyq jarysta top jardy

30 ret

kórsetildi

1 mın

oqý úshin

25-29 qarasha aralyǵynda Astana qalasynda ótken aýyl mektepteri oqýshylaryna arnalǵan respýblıkalyq olımpıadada jaratylystaný-matematıkalyq baǵyt boıynsha 36 oqýshy baq synady. Almaty oblysynyń oqýshylary aıqyn jeńiske jetip, 18 júldeli orynǵa ıe boldy, dep habarlaıdy Egemen.kz.

Ulbosyn ISABEK

Aýyl mektepteriniń oqýshylary respýblıkalyq jarysta top jardy

Olımpıada qorytyndysy boıynsha Almaty oblysynyń oqýshylary kelesi nátıjelerge jetti. I oryndy 6 oqýshy, atap aıtsaq, Qarasaı aýdany «Dolan aýylyndaǵy jaıly mekteptiń» 10 synyp oqýshysy Oleg Teremko, Talǵar aýdany №29 orta mekteptiń 10 synyp oqýshysy Rasýljan Aıýpov, osy aýdannyń «Dana» JBBM-niń 10 synyp oqýshysy Albert Masler, Ile aýdany №38 mektep-gımnazııanyń 11 synyp oqýshysy Ádilet Nurlanuly jáne №36 orta mekteptiń 9 synyp oqýshysy Aıarý Bekmuhamet, Eńbekshiqazaq aýdany Rahat aýyldyq okrýgi №1 orta mektebiniń 11 synyp oqýshysy Nurıslam Adbyhamyt ıelenip, altyn medal taqty.

Júldeli II oryndy (kúmis) 7 oqýshy, III oryndy (qola) 5 oqýshy ıelenip, mereıleri ústem boldy.

Komandalyq esepte Almaty oblysy I oryndy ıelendi, bul oblystyń aýyl mektepteri oqýshylarynyń bilim deńgeıiniń joǵary ekenin taǵy bir márte dáleldedi.

Almaty oblysy