foto: Astana qalasynyń ákimdigi
Qalany jańa jylǵa bezendirýge aýdan ákimdikterine shamamen 365 mln teńge bólindi. Qarajat tómendegideı bólinedi:
-
Baıqońyr, Saraıshyq, Saryarqa, Almaty aýdandarynyń árqaısysyna 50 mln teńgeden;
-
Esil aýdanyna– 90 mln teńge;
-
Nura aýdanyna – 75 mln teńge.
Sonymen qatar, elordada jańa jyl qarsańynda qala turǵyndary men qonaqtaryna arnalǵan kóptegen tegin qysqy oıyn-saýyq nysandary ornatylady: muz aıdyndary, syrǵanaqtar, fotozonalar jáne basqa da nysandar. Aýdandarda shyrshalar qoıylady.
«Kóshelerdi jańa jylǵa bezendirý úshin ótken jylǵy gırlıandalardyń, ınstallıasııalardyń jáne ózge de áshekeılerdiń bir bóligi qaıta paıdalanylmaq. Birqatar qoǵamdyq keńistik qysqy demalys atmosferasyn qalyptastyratyn taqyryptyq shaǵyn sáýlettik formalarmen jáne jaryqtyq ınstallıasııalarmen bezendiriledi», dep atap ótti ákimdiktiń baspasóz qyzmeti.
Astana ákimdiginiń málimetinshe, jańa jyldyq bezendirýge bólinetin qarjy jergilikti atqarýshy organ bıýdjeti men demeýshiler qarajatynan quralady.
