Foto: depositphotos.com
Búginnen bastap elimizde iske qosylǵan avtolızıngtiń jańa baǵdarlamasy boıynsha О́nerkásip jáne qurylys mınıstrligi jyldyq shekti mólsherlemeni burynǵy 45%-dan 36%-ke deıin tómendetti.
Qazaqstan Media saıtynyń habarlaýynsha, avtolızıng – avtonesıeden ózgeshe format. Kólik alǵashqy jarnasyz, nesıesiz, biraq uzaq merzimge jalǵa beriledi. Kelisimshart aıaqtalǵan soń tutynýshyda eki tańdaý bar:
- kólikti lızıng kompanııasyna qaıta tapsyrý;
- nemese qalǵan qaryzyn tolyq ótep, kólikti satyp alý.
Lızıngtiń negizgi ereksheligi – kólik barlyq tólemder aıaqtalǵanǵa deıin lızıng kompanııasynyń menshiginde bolady. Al tutynýshy kólikti paıdalanǵanymen, oǵan qatysty barlyq táýekelder úshin jaýapty. Iаǵnı, kólik zaqymdansa, urlansa nemese joıylsa – shyǵyndy ózi óteıdi. Sol sebepti klıentter mindetti túrde saqtandyrý rásimdeýi tıis.
Shart talaptaryna sáıkes, tólem eki aıdan artyq keshikse, lızıng kompanııasy kólikti qaıtaryp alýǵa quqyly.
Jańa avtolızıng otandastarymyzǵa kólik alý múmkindigin arttyrýǵa baǵyttalǵan ári bul tetik naryqtaǵy básekeni de kúsheıtedi dep kútilip otyr.
