Almaty qalasy boıynsha Saýda jáne tutynýshylardyń quqyǵyn qorǵaý departamenti jyl basynan beri «Ákimshilik quqyq buzýshylyq týraly» Kodeksiniń 204-4-babyna sáıkes, Small, JLC, Galmart, Toimart, My Mart saýda jelisi, A-stor, Bekker, sýpermarket Carefood, «Food Beverage Trading» JShS, «Airba Fresh» JShS, «Good Luck Trade» JShS, «Mix Market Trade» JShS jáne basqa da kásipkerlik sýbektilerine qatysty jospardan tys tekserýler júrgizilip, 420-dan astam kásipkerlik sýbekti ákimshilik jaýapkershilikke tartyldy.
«Máselen QR ÁQBtK 204-4-babynyń 2-bóligine sáıkes «Metro» iri saýda jelisi áleýmettik mańyzy bar azyq-túlik taýarlaryna 15% saýda ústemesin asyrǵany úshin ákimshilik jaýapkershilikke tartyldy. «Metro Kesh end Kerrı» JShS Departament shyǵarǵan ákimshilik sheshimge barlyq sot ınstansııalarynda, sonyń ishinde kassasııalyq tártippen shaǵymdandy, biraq nátıje bolmady, óıtkeni Departamenttiń áreketteri zańdy», dep jazdy mınıstrlik.
Aıta ketý kerek, «Metro Kesh end Kerrı» JShS 2024 jyly saýda ústemesi úshin aıyppul arqalaǵan bolatyn.
Sondaı-aq, Almaty qalasynyń «Small» jáne «Toimart» sııaqty iri saýda jelileri saýda ústemesin 15%-ǵa asyrǵan.
Odan bólek Departament memlekettik baqylaý fýnksııalaryn iske asyrý boıynsha keshendi is-sharalardy ótkizgen kezde, SMALL saýda jelisin sot QR ÁQBtK-niń 462-baby boıynsha, memlekettik baqylaý fýnksııalaryn oryndaýy kezinde Departamenttiń laýazymdy tulǵalaryna kedergi keltirgeni úshin, jaýapqa tartty.
Qazirgi ýaqytta úı janyndaǵy dúkenderde áleýmettik mańyzy bar azyq-túlik taýarlaryn satatyn josyqsyz kásipkerlerdi ákimshilik jaýapkershilikke tartý boıynsha keshendi jumys júrgizilip jatyr.
Aıta keteıik, Almaty qalasy boıynsha saýda jáne tutynýshylardyń quqyǵyn qorǵaý departamenti áleýmettik mańyzy bar taýarlarǵa saýda ústemesin arttyrǵan kásipkerlerge 32 mln teńgeden astam aıyppul saldy.
