Depýtattyń aıtýynsha, «Qazposhta» aýyldarǵa gazet taratý tarıfin 140 paıyzǵa deıin qymbattatqan. Buǵan deıin bir basylymdy jetkizý quny 17 teńge bolsa, qazir ol 42 teńgege deıin ósken.
«Osylaı jalǵasa berse, shekaralyq aýdandarda turatyn 3,5 mıllıon halyq kelesi jyly «Egemen Qazaqstan», «Jas Alash», «Aıqyn» sııaqty gazetterdi oqýǵa materıaldyq shamasy jetpeı qalady. Bul jaǵdaıda Qazposhtanyń ózine de qoldaý qajet. О́ıtkeni búgingi tańda shalǵaı aýyldarǵa aqparatty da, tólem qyzmetterin de jetkizip otyrǵan tek Qazposhta», dedi Erlan Saırov.
Jasandy ıntellekt jáne sıfrlyq damý vıse-mınıstri Dosjan Musalıev gazetti taratý baǵasynyń ósýi ınflıasııaǵa baılanysty ekenin atap ótti.
«2017 jyly 17 teńge bolyp bekitilgen tarıf tek bıyl kóterildi. Inflıasııany eskerip osy baǵany 36 teńgege kóterdik. Bul ınflıasııaǵa baılanysty» dedi ol.
