Jobanyń ınvestory Polshanyń «Fabe-Agro» kompanııasy. Investısııa quny 137 mln dollar. Jylyjaı qalanyń Mártóbe turǵyn alabynda, 144 gektar alańda boı kóteredi. Qazirgi tańda ol jerge ınfraqurylym jelisi tartylyp jatyr.
Aımaqtaǵy iri agroónerkásip kesheni elimizdiń azyq-túlik qaýipsizdigin qamtamasyz etýge atsalysady. Mamandar jylyjaıda jańa tehnologııalar qoldanylatynyn aıtady. Ol óz kezeginde eńbek ónimdiligin arttyrýǵa, kókónisten mol ónim alýǵa septigin tıgizedi. Eń bastysy jańa tehnologııanyń arqasynda ónimder tek tabıǵı túrde ǵana óndiriletin bolady. Sonymen birge jyl on eki aı ishki naryqtyń jańa pisken jergilikti ónimmen qamtamasyz etilýi baǵanyń turaqtalýyna da óziniń oń áserin tıgizedi.
Aıta ketý kerek, Shymkentte osyndaı iri agroónerkásip kesheni salasynyń birneshe jobasy iske asyp jatyr. Sonyń ishinde túrik ınvestorlarynyń qatysýymen qolǵa alynyp jatqan jylyjaı keshenin ataýǵa bolady. Onyń da aýmaǵy birneshe gektar alqapty quraıdy.
Shymkent
