Foto: Ashyq derekkóz
Qalalyq TJD baspasóz qyzmeti bul týraly tolyq aqparat berdi.
«Saǵat 13:10-daǵy jaǵdaı boıynsha polısııanyń patrýldik kólikteri men órt sóndirý bólimsheleri shaǵyn aýdandardy aralap júr. Injenerlik-tehnıkalyq mamandar qurylystar men ózen arnalaryna tekseris júrgizip jatyr», dedi vedomstvo basshylary.
«Qazselqorǵaý» mamandary ózen arnalaryna, gıdrotehnıkalyq nysandarǵa qaýpi bar jáne sel júrýi múmkin ýchaskelerge tekserý júrgizip jatyr. Sondaı-aq adamdar kóp júretin nysandardyń yqtımal zaqymdanýy da nazarda. Qazir olardyń barlyǵy shtattyq rejımde jumys istep tur. TJD málimetinshe, zardap shekkender men qıraýlar týraly aqparat túspegen.
Eske salaıyq, buǵan deıin Almaty turǵyndaryna jerasty dúmpýleri sezilgen. Páter qabyrǵalary men shamdar sál dirildegen, kópqabatty úılerde turatyndardyń kóbi qaýipsizdik úshin dalaǵa shyqqan.
TJM habarlaýynsha, 4 jeltoqsanda 12:44-te seısmıkalyq stansııalar jelisi jer silkinisin tirkegen. Almatydaǵy eseptik jer silkinisi qarqyndylyǵy úsh balldy qurady.
Jer silkinisine baılanysty senim telefony iske qosyldy. Sondaı-aq Almaty metropolıteni jumysyn ýaqytsha toqtatty.
