Foto: instagram.com/janibek_qazaqstyle
Olar bul qıyndyqtyń artta qalatynyna senim bildirip, dopıng daýy da sheshiletinin málimdedi.
«Bizdiń komanda – eń myqty komanda. Biz áli talaı jastarǵa qumar oınama dep aıtamyz. Biz týdy áli talaı jelbiretemiz. Bizdiń maqsat aıqyn. Bizdi maqsatymyzdan eshqandaı qıyndyq taıdyra almaıdy. Synap jatqandarǵa mán bermeńizder. Olar burynnan bar, 4 tıtýldy alǵanda da bola beredi. Biz tek alǵa júremiz», dep jazdy «Qazaq Style» komandasy.
Sondaı-aq Jánibek Álimhanulynyń qoldaýshylary eshqandaı kiná men qatelik jasamaǵandaryna basa nazar aýdaryp otyr.
«Bári burynǵy vıtamınder men burynǵy mázir. Qazir analızderdiń ekinshi qorabyn ashýǵa ótinish jazyldy. Jaýabyn kútemiz», dep jazdy Álimhanulynyń komandasy.
«Qazaq Style» komandasy bul jańalyqty estigende tańǵalǵanyn jasyrmady.
Elimizdiń Sport jáne týrızm mınıstrligi máselege aralasyp, qajetti sharalardy oryndaý úshin otandasymyzǵa qoldaý kórsetetinin málimdedi.
Qazaqstan kásibı boks federasııasynyń prezıdenti de dopıng daýyna qatysty pikir bildirdi.
Al belgili bapker Jumabek О́mirzaqov Jánibek Álimhanuly endi iri jekpe-jekter ótkizbeýi yqtımal ekenin aıtty.
