Uıym ókilderi Dımashtyń shyǵarmashylyǵy adamzattyń rýhanı qundylyqtaryn nasıhattap kele jatqanyn atap ótti. Ánshi álemdik tyńdarmandarǵa gýmanızm, meıirim jáne mádenıetterdi jaqyndastyrý ıdeıalaryn jetkizip júr.
IOM málimetinshe, Dımashtyń «Stranger» atty án keshteri Nıý-Iork, Mehıko, Berlın sekildi iri qalalarda ótip, 100 myńnan astam kórermendi jınaǵan. Tyńdarmandar onyń ónerin «júrekke em, janǵa daýa» dep baǵalaıdy.
Aıta keteıik, Dımash Qudaıbergen 2024 jyly osy uıymnyń aımaqtyq Izgi nıet elshisi bolyp taǵaıyndalǵan edi. Endi ol jahandyq deńgeıde mıgranttardyń quqyqtaryn qorǵaý, qaýipsiz jáne rettelgen kóshi-qon ıdeıasyn ilgeriletý baǵytynda halyqaralyq bastamalardy qoldaýǵa atsalysady.
Eske salaıyq, buǵan deıin Dımash Qudaıbergen týraly «Sheksiz mýzyka» atty kitap jaryqqa shyqqanyn habarlaǵan edik.
