Foto: gov.kz
Ol bıyl avtomobıl joldary boıynsha 13 myń shaqyrym jol qurylys jáne jóndeý jumystarymen qamtylǵanyn atap ótti. Respýblıkalyq joldardyń 93%-y normatıvtik-tehnıkalyq jaǵdaıǵa saı. Ishki shekaradaǵy ótkizý pýnktterin jańǵyrtý jumystary júrgizilip jatyr. 2027 jyldyń sońyna deıin 37 ótkizý pýnktin aıaqtaý josparlanyp otyr.
«Avtojoldardyń tıimdiligin arttyrýdyń negizgi faktory – sıfrlyq sheshimder. Memleket basshysynyń tapsyrmasy boıynsha e-Joldar sheńberinde joldardyń sıfrlyq tólqujattary qalyptastyrylady. Bul bolashaqta pılotsyz avtokólikterdi engizýge múmkindik beredi», dep atap ótti Nurlan Saýranbaev.Mınıstr jyl saıyn jasandy ıntellekt tehnologııalaryn qoldana otyryp jol dıagnostıkasy júrgizilip jatqanyn aıtty. Jol tósemin saqtaý úshin 220-ǵa deıin avtomattandyrylǵan ólsheý stansalaryn ornatý jumystary jalǵasyp keledi.
Bıýdjetke túsetin salmaqty azaıtý maqsatynda respýblıkalyq mańyzy bar joldarda aqyly ýchaskeler kezeń-kezeńimen engiziledi. Búginde aqyly joldarda engizilgen KazToll júıesi arqyly 79 mlrd teńge jınaldy.
