Foto: Ashyq derekkóz
Zarýskıı 2025 jylǵy 10 qańtarda «Astana» komandasynan «Qaıratqa» aýysyp, sol jyldyń 31 jeltoqsanyna deıin kelisimshartqa otyrǵan bolatyn. Almatylyq komandada qaqpashy Premer-lıga men Sýperkýbokty jeńip, Chempıondar lıgasynyń jalpy kezeńine shyqty. «Qaırat» sapynda ol 24 matchqa qatysyp, 18 gol jibergen, al 9 kezdesýde qaqpasyn taza saqtaǵan.
Chempıondar lıgasynda Aleksandr barlyq irikteý kezeńinde oınady, biraq «Seltıkke» qarsy alǵashqy matchta jaraqat alyp, ornyna Temirlan Anarbekov shyqty.
Qazirgi ýaqytta «Qaırat» chempıondar lıgasynyń týrnırlik kestesinde Ispanııanyń «Vılıarrealy» komandasymen qatar 36-orynda tur. Almatylyq klýb tek Kıprdiń «Pafosymen» bolǵan 0:0 esebimen teń oıynda bir upaıǵa ıe boldy. Al qalǵan 5 matchta «Sportıng» (4:1), «Real» (0:5), «Inter» (2:1), «Kopengagen» (3:2) jáne «Olımpıakos» (0:1) qarsylastaryna ese jiberdi. Kelesi oıyndarda komanda Belgııanyń «Brıýgge» (20 qańtar) jáne Londonnyń «Arsenal» (28-29 qańtar) komandalaryna qarsy shyǵady.
Estrińizge sala keteıik, «Qaırat» qaqpashysy Temirlan Anarbekov «Qaırat» – «Olımpıakos» matchynda úzdik oıynshy atandy. Anarbekovten keıingi joǵary baldy «Qaırat» qorǵaýshylary Erkin Tapalov pen Egor Sorokın jınady – ekeýine de 7.2 degen baǵa qoıylǵan.
