Kezdesý barysynda taraptar Qazaqstan – Koreı yntymaqtastyǵynyń aǵymdaǵy máseleleri men odan ári damý perspektıvalaryn talqylady.
Mashına jasaý, aqparattyq tehnologııalar, aýyl sharýashylyǵy, t.b. salalardaǵy birlesken ınvestısııalyq jobalardyń tabysty iske asyrylǵany atalyp ótti.
«Biz Koreıa Respýblıkasymen strategııalyq seriktestik nátıjesinde qol jetkizgen jetistikterimizdi joǵary baǵalaımyz. Jańa jumys oryndaryn qurdyq, tyń ınnovasııalardy engizip, óndiristik jobalardy keńeıttik», dedi R.Sklıar.
О́z kezeginde Koreıa Respýblıkasynyń elshisi Chjo Te-ık Qazaqstan basshylyǵyna qoldaý men yntymaqtastyǵy úshin alǵys aıtyp, ekonomıkanyń ártúrli salasyndaǵy qarym-qatynastardy nyǵaıtýdyń mańyzdylyǵyna toqtaldy. Elshi, sondaı-aq, elimizdi Halyqaralyq atom energııasy agenttigine qabyldanýymen quttyqtady. Qazaqstan ýran salasyndaǵy mańyzdy oıynshy ekenin atap ótken dıplomat atom elektr stansasyn salýda sáttilik tiledi.
Kezdesý sońynda Roman Sklıar elshi Chjo Te-ıkke qazaq-koreı qarym-qatynasyn damytýǵa qosqan jeke qyzmetine alǵys aıtyp, dıplomatııalyq mansabyna tabys tiledi.
