Bank • 17 Jeltoqsan, 2025

Ulttyq bank: Teńge baǵamy 2,4%-ǵa nyǵaıdy

40 ret

kórsetildi

1 mın

oqý úshin

Úkimet otyrysynda Ulttyq bank tóraǵasy Tımýr Súleımenov teńgeniń qazirgi baǵamyna túsinikteme berdi. Ol jyl basynan beri teńge baǵamy 1 dollar úshin 512,57 teńgege deıin, ıaǵnı 2,4%-ǵa nyǵaıǵanyn aıtty, dep habarlaıdy Egemen.kz Úkimettiń telegram arnasyna silteme jasap.

Shyńǵys MUQAEV

Ulttyq bank: Teńge baǵamy 2,4%-ǵa nyǵaıdy

Foto: Ashyq derekkóz

«Baǵamnyń aǵymdaǵy dınamıkasy negizinen júrgizilip jatqan dezınflıasııalyq saıasat sheńberindegi ortasha qatań aqsha-nesıe sharttaryna baılanysty.

Bul teńgelik aktıvterdiń tartymdylyǵyn sheteldik ınvestorlar arasynda da arttyra tústi. Osylaısha, rezıdent emes tulǵalardyń memlekettik baǵaly qaǵazdarǵa (MBQ) salǵan portfeldik ınvestısııalarynyń kólemi jyl basynan qarasha aıyna deıin shamamen 750 mlrd teńgege, al qarasha aıynda 340 mlrd teńgege ulǵaıdy», dedi Tımýr Súleımenov.

Onyń aıtýynsha, ulttyq valıýta baǵamyn qoldaý Ulttyq banktiń shetel valıýtasyn satýy esebinen de qamtamasyz etilip jatyr. 2025 jyldyń basynan qarasha aıyna deıin Ulttyq qordan bıýdjettik transfertter sheńberinde 7,8 mlrd dollar satyldy, bul rette sonyń ornyn toltyrý maqsatynda altyn satyp alý jónindegi operasııalar kólemi 6,1 mlrd dollardy qurady.