Atyraýda ekstremızmdi nasıhattaýshylar sottaldy

ATYRAÝ. 23 aqpan. Atyraý oblysyndaǵy kámeletke tolmaǵandardyń isteri jónindegi mamandandyrylǵan aýdanaralyq sotynda 1995 jyly týǵan Nurlan men 1998 jyly týǵan Damır esimdi sottalýshylarǵa ekstremızmdi nasıhattaǵany úshin sot úkimi shyqty. Bul týraly Atyraý oblystyq sotynyń baspasóz habarlady. Habarlamada kórsetilgendeı, sottalýshylar ǵalamtor jelisinen ár túrli saıttar arqyly «qarýly jıhad» ıdeologııasyn nasıhattaıtyn materıaldardy qarap, musylmandardy qutqarý úshin Sırııa aýmaǵyndaǵy «modjahedter» qatarynda resmı bılikke jáne qarýly kúshterge qarsy bolyp jatqan soǵys qımyldary týraly beıne materıaldardy dindes baýyrlary arasynda uıaly telefonynan kórsestip, nasıhat júrgizgen. Sot basty sot talqylaýynda sottalýshylardyń aldyna ala tergeýde jáne sot tergeýinde bergen jaýaptary salystyryla otyryp, zerdelendi. «Ekstremızmdi nasıhattaýshylar Qylmystyq Kodekstiń 233-1-babynyń 2-bóligimen kináli dep tanylyp, olardyń árqaısysyna 5 (bes) jyl merzimge bas bostandyǵynan aıyrý jazasy taǵaıyndaldy» dedi oblystyq sottyń baspasóz hatshysy Boranbaı Ǵalıev. Joldasbek Shópeǵul. Derek, sýret: Atyraý oblystyq sotynyń baspasóz qyzmeti.