Otyrys barysynda óńdeýshi ónerkásiptiń jaı-kúıine erekshe nazar aýdaryldy. Jyl basynan bergi 11 aıdyń qorytyndysynda saladaǵy naqty kólem ındeksi 105,9 paıyzdy qurady. Al bıylǵy jyldyń qorytyndysynda óńdeýshi ónerkásipte ósim shamamen 6 paıyz deńgeıinde bolady dep kútilip otyr.
Bıyl negizgi óńdeý salalarynyń damý boljamyna sáıkes óńdeýshi ónerkásip qurylymynyń 40 paıyzyn quraıtyn metallýrgııada ósim 1,1 paıyzdy quraıdy. Mashına jasaý salasy (17,5%) 12 paıyzdyq ósim kórsetedi dep josparlanǵan. Tamaq ónerkásibinde (13,1%) – 9 paıyz, qurylys materıaldaryn óndirýde (5,6%) – 6 paıyz, hımııa ónerkásibinde (5,4%) – 6 paıyz, al jeńil ónerkásipte (0,7%) 5 paıyz ósim kútiledi.
Shtab otyrysynda óńdeýshi ónerkásiptiń ekonomıkalyq ósimniń basty draıverleriniń biri retindegi bolashaǵy jan-jaqty talqylandy. Tústi jáne qara metallýrgııanyń damý perspektıvalary, «Báıterek» holdıngi arqyly qarjylandyrylatyn jobalardyń iske asyrylý barysy, óńirlerdegi ınfraqurylymnyń jaı-kúıi men salanyń turaqty damýyna yqpal etetin ózge de faktorlar qarastyryldy.
О́ńirlerdiń resýrstyq jáne ınfraqurylymdyq áleýetin tıimdi paıdalaný qajettigin eskere otyryp, Serik Jumanǵarın kelesi jyly óńdeýshi ónerkásip salalaryndaǵy ósim qarqynyn qamtamasyz etýge arnalǵan jol kartasyn ázirleýdi tapsyrdy. Qujatta ekonomıkalyq ósimge asa mańyzdy sharalarmen qatar, jeńil ónerkásip pen qurylys materıaldary óndirisin qoldaý tetikteri qamtylmaq.
Saýda salasynda da oń dınamıka saqtalyp otyr. 11 aıdyń qorytyndysy boıynsha naqty kólem ındeksi 8,8 paıyzdy qurasa, jyl sońynda bul kórsetkish 8,9 paıyzǵa jetedi dep kútiledi. Saýda ósiminiń jıyntyq úlesiniń shamamen 72 paıyzy bes óńirge tıesili.
Atap aıtqanda, Almaty qalasynda saýda kólemi 24,6 trln teńgeni qurap, avtomobılder, mashınalar men jabdyqtar, farmasevtıkalyq ónimder men shokolad saýdasy basym boldy. Astanada 10,9 trln teńgege tabıǵı gaz, dızel otyny, avıasııalyq benzın men kerosın, et pen sút ónimderi satylǵan. Atyraý oblysynda (6,7 trln teńge) munaı ónimderi men mashınalar, Qaraǵandy oblysynda (4,5 trln teńge) farmasevtıkalyq taýarlar, tehnıka jáne kosmetıka ónimderi, al Shymkent qalasynda (3,6 trln teńge) farmasevtıka, janar-jaǵarmaı men agroónerkásip kesheni ónimderi negizgi úles qosty.
Bólshek saýda qurylymynda shamamen 760 myń bıznes sýbektisi jumys isteıdi. Jeke kásipkerlerdiń taýar aınalymy 10 paıyzǵa ósip, 8,2 trln teńgege jetti. Operatıvti derekterge sáıkes 11 aıdaǵy onlaın-satylym kólemi 3,3 trln teńgeni qurap, ótken jyldyń sáıkes kezeńimen salystyrǵanda 14,4 paıyzǵa artty.
Aýyl sharýashylyǵy salasy da barlyq baǵyt boıynsha turaqty ósim kórsetýde.
11 aıdyń qorytyndysynda naqty kólem ındeksi 106,1 paıyzdy qurady. Jyldyq ósim 5 paıyz deńgeıinde boljanyp otyr, bul josparly kórsetkishten 3 paıyzǵa joǵary.
Respýblıkalyq ortasha deńgeıden joǵary ósim Aqmola (115,7%), Qostanaı (115,4%), Soltústik Qazaqstan (110,5%), Pavlodar (108,2%) men Atyraý (107,4%) oblystarynda tirkeldi.
Dástúrli daqyldardan alynǵan turaqty joǵary ónim aıasynda bıylǵy jyly maıly jáne burshaqty daqyldar aıqyn ósim núktesine aınaldy. Burshaqty daqyldardan rekordtyq – 1,1 mln tonnadan astam ónim jınaldy. Al maıly daqyldar óndirisi alǵash ret 4,7 mln tonnaǵa jetti. Maqta jınaý kólemi 428 myń tonnany qurap, keıingi 18 jyldaǵy eń joǵary kórsetkishke shyqty. О́nimdilik gektaryna 29,6 sentner boldy.
Osylaısha, negizgi salalardaǵy oń serpin men naqty qoldaý sharalary aldaǵy jyldary ekonomıkalyq ósimdi turaqty qamtamasyz etýge negiz bolmaq.
