Foto: istockphoto.com
Qaıtarylǵan aktıvterdi basqarý kompanııasynyń (QABK) baspasóz qyzmeti bıylǵy jumystyń egjeı-tegjeıli esebin jarııalady. Kompanııa qurylǵan sátten bastap onyń ıeligine jalpy quny 96,5 mıllıard teńge bolatyn aktıvter berilgen bolatyn.
Bıyl kompanııa aýqymdy jumys atqaryp, 577 elektrondy saýda-sattyq uıymdastyrdy. Nátıjesinde 155 aktıv sátti satylyp, túsken jalpy soma (QQS-syz) 38,4 mıllıard teńgeni qurady.
Saýdanyń eń iri nysandary:
- Astana qalasynda ornalasqan «Dýman» qonaq úı kesheni – 14,1 mıllıard teńgege;
- Dýbaı qalasyndaǵy (BAÁ) eki záýlim vılla – 20,7 mıllıard teńgege satyldy.
Tek satylym ǵana emes, sonymen qatar quny 29,4 mıllıard teńge bolatyn 33 aktıv tikeleı memleket menshigine ótkizildi. Olardyń qatarynda jer ýchaskeleri ǵana emes, tarıhı mańyzy bar jádigerler – arheologııalyq artefaktiler men kóne monetalar da bar. Bul qundy qazynalar Qazaqstannyń Ulttyq mýzeıine saqtaýǵa berildi.
Búgingi tańda Arnaıy memlekettik qorǵa 38,3 mıllıard teńge aýdaryldy. Bul somaǵa aktıvterdi satýdan túsken tabystar men ózge de túsimder kiredi.
