Foto: azattyq-ruhy.kz
«Bilim berý salasyna sońǵy 3 jylda 812 mıllıard 245 mıllıon teńge, bıyl 346 mıllıard 800 mıllıon teńge bólindi. О́tken jyly 13 bilim berý uıymy jańadan ashyldy. «Keleshek mektepteri» ulttyq jobasy aıasynda 54 mıllıard 391 mıllıon teńgege 10 jańa mektep salynyp, paıdalanýǵa berildi», dedi N.Nálibaev.
2023 jyldan beri Qyzylorda oblysyndaǵy 9 mekteptiń janynan qosymsha ǵımarat boı kótergen. Bul arqyly aımaqtaǵy úsh aýysymdyq mektepter máselesi túbegeıli sheshimin tapqan. Sondaı-aq «Bilim berý ınfraqurylymyn qoldaý qory» esebinen fızıka-matematıka baǵytyndaǵy «Bilim-ınnovasııa» lıseı-ınternaty salynǵan. Atalǵan qordyń demeýshiligimen Aral aýdany Mergensaı aýylynda jaqyn kúnderi 150 oryndyq mektep paıdalanýǵa beriledi.
Aral aýdany Toqabaı aýylyndaǵy apattyq jaǵdaıdaǵy mekteptiń máselesi de kásipker demeýshiligimen sheshimin tapqan. Sońǵy úsh jylda 15 mektep ǵımaratyna kúrdeli jóndeý júrgizilgen.
«Qazgermunaı» kompanııasynyń demeýshiligimen Qyzylorda qalasynda 350 oryndyq Oqýshylar saraıy, oblystyq bıýdjet qarjysyna Jańaqorǵan, Shıeli, Jalaǵash aýdandarynan 200 oryndyq Oqýshylar úıi men 50 oryndyq О́ner mektebi, balalar men jasóspirimderge arnalǵan «Syr juldyzdary» shyǵarmashylyq-ınnovasııalyq akademııasy, «Saýts Oıl» kompanııasynyń demeýshiligimen mýzykalyq kolledjdiń jańa ǵımaraty salyndy. Bıyl «Qazaqstan halqyna» qory arqyly 500 mıllıon teńgege 2 mektep aýyldyq jerlerdegi resýrstyq ortalyqtar retinde ınteraktıvti jáne zamanaýı oqý kabınetterimen qaıta jabdyqtaldy. Búginde atalǵan qordyń 2,5 mıllıard teńge qarjysyna oblystaǵy – 58, onyń ishinde 8 shaǵyn jınaqty mekteptiń fızıka, hımııa, bıologııa pándik kabınetteri qural-jabdyqtarmen qamtyldy», dedi Qyzylorda oblysynyń ákimi.
О́ńir oqýshylary Ulttyq biryńǵaı testileý nátıjesi boıynsha da ekinshi jyl qatarynan úzdik bolyp otyr. UBT-ǵa qatysqan 9 352 oqýshynyń ortasha baly 75,7 bolǵan. Talapkerler joǵary oqý oryndaryna bólingen memlekettik grantty jeńip alý boıynsha da respýblıkada birinshi orynǵa shyqqan.
«Jaqynda ótken aýyl mektepteri oqýshylaryna arnalǵan respýblıkalyq pándik olımpıada qorytyndysymen Qyzylorda oblysynyń komandasy qoǵamdyq-gýmanıtarlyq baǵytta 2-shi oryn, jaratylystaný-matematıkalyq baǵytta 3-shi oryndy ıelendi. Bolıvııanyń Sýkre qalasynda ótken 36-halyqaralyq olımpıadada (International Olympiad in informatics-IOI) Qazaqstan qurama komandasy atynan saıysqa túsken Qyzylorda qalasyndaǵy S.Shaýhamanov atyndaǵy №9 Bilim-ınnovasııa lıseı-ınternatynyń 11-shi synyp oqýshysy Mamadahýnov Mansur kúmis medal aldy. WORLDSKILLSKAZAKHSTAN X respýblıkalyq chempıonatynda qyzylordalyq jastar 1 kúmis, 5 qola medal jáne 5 úzdik maman medalonyna ıe boldy», delingen Qyzylorda oblysy ákiminiń baspasóz qyzmeti taratqan habarlamada.
Oblys ustazdary da túrli respýblıkalyq, halyqaralyq bilim báıgesinde top jaryp júr.
