Jobanyń ınvestısııalyq quny 4,7 mlrd teńge turady. Kásiporynda 136 adam turaqty eńbek etip, jylyna 4.8 myń tonna materıal óndiriledi. Fabrıka qurylysyna arnaıy ekonomıkalyq aımaqtan 3 gektar jer berilgen. Kásiporyn zamanaýı qurylǵylarmen jabdyqtalǵan. Keleshekte otandyq spanbond ımporttyq ónimdi almastyrady.
Sondaı-aq qalada «Alliance Buildings» JShS-niń metall esikter shyǵaratyn zaýyty ashyldy. Bul esikter órtke qaýipsiz. Kásiporyn elimizdiń ońtústik óńirlerin sapaly qurylys ónimderimen qamtamasyz etýge qaýqarly jáne eksport aıasyn keńeıtý jospary bar.
Kompanııa kelesi jyldan bastap О́zbekstan, Qyrǵyzstan, Tájikstan elderine ónimderin eksporttamaq. Jobaǵa 3.7 mlrd teńge ınvestısııa tartylǵan. Tolyq qýattylyǵyna kóshse zaýytta 120 adam turaqty jumyspen qamtylyp, jylyna 150 myń dana esik shyǵarylatyn bolady.
Qala ákimi Ǵ.Syzdyqbekov jańa kásiporyndardyń iske qosylýy – Shymkenttegi ónerkásiptiń damýyndaǵy mańyzdy qadam ekenin aıtty. Sol arqyly jumys oryndary ashylyp, ekonomıkalyq áleýet nyǵaıyp, ishki naryq suranysy qanaǵattandyrylady.
Shymkent
