– Aýa raıynyń qolaısyzdyǵyna baılanysty 2025 jylǵy 22 jeltoqsan saǵat 20:00-den bastap Batys Qazaqstan oblysynda júk jáne qoǵamdyq kólikterdiń qozǵalysyna ýaqytsha shekteý qoıyldy, – delingen habarlamada.
Shekteý kelesi avtojol ýchaskelerinde engizildi:
«Aqtóbe – Oral – RF shekarasy» avtojoly: 195–246 shaqyrym (JP posty – Syrym baqylaý pýnkti);
«Aqtóbe – Oral – RF shekarasy» avtojoly: 273–393 shaqyrym (Jympıty aýyly – Barbastaý aýyly);
«Atyraý – Oral» avtojoly: 373–492 shaqyrym (Chapaev aýyly – Oral qalasy).
Aldyn ala málimet boıynsha, jol qozǵalysyn 23 jeltoqsan saǵat 08:00-de qalpyna keltirý josparlanyp otyr.
Sondaı-aq, Qyzylorda oblysynda da kólik qozǵalysyna shekteý qoıyldy.
– 2025 jylǵy 22 jeltoqsan saǵat 22:00-de aýa raıynyń buzylýyna baılanysty RF shekarasy - Mártók - Aqtóbe - Qarabutaq - Qyzylorda - Shymkent - Taraz - Qordaı - Almaty - Qorǵas - QHR shekarasy avtojolynyń 1362-1646 shaqyrym aralyǵyndaǵy ýchaskesinde (Aral qalasynan Josaly aýylyna deıin) kóliktiń barlyq túriniń qozǵalysyna shekteý qoıylady, – delingen aqparatta.
