Otanǵa – qurmet, mamanǵa – mártebe

Eńbek jolym Almaty oblysy, Ile aýdanyndaǵy «BENT» JShS zaýyt ashanasynda aspaz kómekshisi bolyp eńbek etýden bas­taldy. Keıin shpal sehynda metall qalyptardy tazalaý, maılaý jumystaryn atqaryp, óndiristiń jaýapty úderisine aralastym. Ýaqyt óte kele kran mashınısterin oqytý syndy mańyzdy mindet senip tapsyryldy. Sol sátten bastap óz isime bar kúsh-jigerimdi arnap, osy salada tabandy eńbek etip kelemin.

Búginde kásibı biliktiligimdi arttyrý – basty maqsatym. 10-15 jyldyq eńbek ótili bar áriptes­terim­niń aqyl-keńesin tyńdap, táji­rı­bemdi tolyqtyryp otyramyn. О́ndiristegi árbir kúnim – shyńdalý men ósý mektebi. Adal eńbek etken adam­nyń otbasy, jora-joldasy men or­tasynda da abyroıy artyp, zor qurmetke ıe bolatynyn az ýaqyt­taǵy tájirıbemde aıqyn sezindim.

Men úlken ári tatý otbasynda óstim. Ata-anam, ata-ájem, baýyrlarymmen birge bir shańyraq astynda tárbıelenip, eńbekqorlyq pen jaýapkershilikti bala kezden boıy­ma sińirdim. Otbasym – eń basty tiregim, eńbektegi kúsh-qýatymnyń qaı­nar kózi. Bos ýaqytymda taza aýa­da serýendep, kúndelikti eńbekten sergip, jańa kúsh jınaýǵa tyrysamyn. Bul aldaǵy maqsattaryma senimmen qadam basýǵa kómektesedi.

Jumysshy mamandyqtar jyly aıasyn­da qarapaıym eńbek adam­dary­­­nyń eńbegi el kóleminde laıyq­ty ba­ǵa­lanyp jatqanyna shyn jú­rek­ten qýa­­nyshtymyn. Osy oraıda eń­bek ada­my­nyń mártebesin art­tyrý­ǵa baǵy­t­talǵan bastamalary úshin Mem­­l­e­ket basshysyna alǵysym­dy bil­­diremin. Eńbekke kórsetilgen qur­met – Otan bolashaǵyna salynǵan berik negiz.

Dılfýza BAQYTJANOVA,

«Fırma «Bent» JShS kranshysy, «Eren eńbegi úshin» medaliniń ıegeri

Almaty oblysy,

Ile aýdany