Foto: istockphoto.com
Densaýlyq saqtaý birinshi vıse-mınıstri Tımýr Sultanǵazıevtiń aıtýynsha, qazirgi tańda respýblıka boıynsha 260-qa jýyq stomatologııalyq klınıka tekserilgen. Nátıjesinde:
- Medısınalyq kómek kórsetý standarttaryn buzǵany úshin 54 mln teńge aıyppul salyndy;
- Jambyl oblysynda 10 klınıkanyń jumysy sot arqyly toqtatyldy;
- Almaty qalasy men Almaty oblysynda da birqatar emhananyń qyzmetine tyıym salyndy.
Mınıstrlik ókili qaıǵyly oqıǵaǵa sebep bolǵan «Sevoran» preparatyn qoldaný erejeleri qaıta qaralmaıtynyn qadap aıtty. Vıse-mınıstrdiń sózinshe, bul preparat 2007 jyldan beri qoldanysta jáne álemdik deńgeıde qaýipsiz dep tanylǵan.
«Hattamada barlyq saqtyq sharalary jazylǵan, sondyqtan ony ózgertpeımiz», dedi T.Sultanǵazıev.
Buǵan deıin mınıstr Aqmaral Álnazarova Astanadaǵy stomatologııalyq klınıkada narkozdan keıin kóz jumǵan úsh jasar qyzǵa qatysty jaǵdaı boıynsha sevoflýran (sevoran) preparatynyń qoldanylýyna tyıym salý máselesine túsinik bergen edi.
