Foto: homsters.kz
Úkimet usynǵan jyldyń eń aıshyqty – 10 kórsetkishi:
1. Bıylǵy 11 aıda 16,9 mıllıon m² turǵyn úı paıdalanýǵa berilgen. 2025 jyldyń sońyna qaraı jalpy kólemi 19,1 mıllıon m2 turǵyn úı tapsyrylady dep boljanyp otyr. Meje oryndalsa jyl sońynda myńdaǵan otbasy jańa baspanasynda qonys toıyn toılaıdy. Elimizdiń barlyq óńirinde qurylys qarqyndy damyp keledi.
2. Elimizde boı kótergen densaýlyq saqtaý nysandarynyń sany artqan. 219 densaýlyq saqtaý nysany boı kótergen. Sondaı-aq medısınaǵa qoljetimdilik artyp, elimizdiń kóptegen aýylynda jańa medısınalyq pýnktter ashylǵan. Dáriger tapshylyǵy 19%-ǵa qysqarǵan.
3. Bıyl el aýmaǵynda 130 jańa mektep ashylǵan. 220 myń jańa oqýshy jańa bilim berý mekemesinde oqyp jatyr,100-den astam mektepte oryn tapshylyǵy joıylǵan. Balanyń qalada nemese aýylda turǵanyna qaramastan oqýǵa qolaıly jaǵdaı jasaý basty nazarǵa alynyp otyr.
4. 5,9 trln teńge zeınetaqy men járdemaqy tóleýge baǵyttalǵan. 4,6 mln qazaqstandyq memleketten kómek alady. Azamattardy qoldaý bıýdjettiń basym baǵyty bolyp qala beredi. 2026 jyldan bastap zeınetaqy men járdemaqy taǵy 10%-ǵa ósedi.
5. 33 jańa zaýyt iske qosylyp, 150 zaýyt jańartylǵan. Endi elimizde turmystyq tehnıka men avtokólikter qurastyrylyp jatyr. «Qazaqstanda jasalǵan» taýarlar tizimine teledıdar men kir jýǵysh mashınalar óndirisi de qosyldy. Avtomobıl shyǵaratyn zaýyttar da salynyp jatyr.
6. 27,1 mln tonna astyq jınaldy. Dıqandar ekinshi jyl qatarynan astyq jınaýdan rekordtyq kórsetkishke qol jetkizdi. El azyq-túlikpen tolyq qamtylǵan, eksport kólemi artyp keledi.
7. 13 myń shaqyrym jol salyndy jáne jóndeýden ótti. Qalalar arasyndaǵy jol júrý jyldam ári qaýipsiz bola bastady, júk tasymaldaý kólemi 9,6%-ǵa ósti.
8. Halyqtyń 90%-y ınternetpen qamtyldy. Qazaqstan Starlink spýtnıktik ınternetine qol jetkizgen Ortalyq Azııadaǵy alǵashqy memleket boldy.
9. Bir jylda 335,6 mln aǵash otyrǵyzyldy. 2021 jyldan beri eseptesek, 1 mıllıard 470 mıllıon kóshet otyrǵyzylǵan. «Taza Qazaqstan» Prezıdent bastamasy aıasynda elimiz jasyl elge aınalyp keledi.
10. El ekonomıkasy 6,4%-ǵa ósti. Qýatty ekonomıka – memlekettiń áleýmettik mindettemelerdi oryndaý úshin resýrstary bar ekeniniń kepili. Jahandyq naryq turaqsyzdyǵy jaǵdaıynda da jalaqy, zeınetaqy tóleý jáne jańa mektepter salý máseleleri shet qalmady.
