Is-sharanyń maqsaty – Abaı murasyn jas býyn sanasyna tereń sińirý, rýhanı sabaqtastyqty nyǵaıtý.
Forýmnyń shymyldyǵy aqynnyń ómiri men shyǵarmashylyq jolyn arqaý etken «Jas Abaı» ádebı qoıylymymen ashyldy. Ashylý saltanatyna Abaıdyń «Jıdebaı-Bórili» memlekettik mýzeı-qoryǵy dırektorynyń ǵylymı jumystar jónindegi orynbasary Meıramgúl Qaırambaeva, «Abaı» jýrnalynyń redaktory Raıhan Sharapıeva, Abaı atyndaǵy ǵylymı-ámbebap kitaphanasynyń sırek qor bóliminiń basshysy Janylgúl Manjıbaeva, mektep dırektory Erbol Qaınarbaev, qala mektepteriniń ustazdary men oqýshylary qatysty. Sonymen qatar Baký qalasynan onlaın formatta qosylǵan ázerbaıjandyq ustazdar Aıten Bagıeva, Hanym Fatalıeva, Javahır Mamedova Abaı shyǵarmashylyǵynyń túrki álemindegi rýhanı orny jóninde oı bólisti.
Forým aıasynda Abaıdyń «Jıdebaı-Bórili» memlekettik mýzeı-qoryǵynyń jyljymaly kórmesi usynylyp, qatysýshylar aqyn ómirine qatysty qundy derektermen tanysty.
Budan keıin qala mektepteriniń oqýshylary qatysqan tanymdyq jáne shyǵarmashylyq baǵyttaǵy jumystar uıymdastyryldy. Abaı murasyn talqylaýǵa arnalǵan zııatkerlik-tanymdyq kezdesýler, túrli formattaǵy jumystar oqýshylardyń oı-órisin keńeıtip, rýhanı tanymyn tereńdetýge baǵyttaldy. Forým mazmunyn baıytqan «Abaıdy oqy, tańyrqa» atty kiriktirilgen shańyraq saǵaty barysynda aqynnyń ómiri men shyǵarmashylyǵy tárbıelik ári tanymdyq turǵyda júıelenip, jas ereksheligine saı usynyldy.
Abaı oblysy
