Foto: Ashyq derekkóz
AmanVibe basylymynyń habarlaýynsha, «Qaırat» ulttyq qurama qaqpashysyn negizgi quramda qaldyrýǵa bel býǵanyn rastady.
«Sheteldik klýbtar tarapynan qyzyǵýshylyq zor bolǵanymen, úzdik qaqpashyǵa áli naqty usynystar túsken joq. Aqparat kózderiniń aıtýynsha, tipti qomaqty usynys tússe de, klýb Anarbekov sııaqty negizgi oıynshysyn jiberýge qulyqty emes», delingen habarlamada.
Eske salsaq, Temirlan Anarbekov Chempıondar lıgasynyń irikteýinde «Seltıkke» qarsy oıynda penaltı serııasynda ózin kórsetip, «Qaıratqa» tarıhta tuńǵysh ret týrnırdiń negizgi kezeńine joldama ápergen bolatyn.
Temirlan Anarbekov «Qaırat» – «Olımpıakos» matchynda úzdik oıynshy atanǵan edi. Sonymen qatar Chempıondar lıgasy matchynda MVP ataǵyn ıelengen alǵashqy qazaq fýtbolshysy boldy.
Qazirgi tańda Anarbekov týrnırdegi eń joǵary seıv kórsetkishimen (bir oıynda ortasha 6,75 soqqy) úzdik qaqpashylar reıtınginde kósh bastap tur.
Temirlan Anarbekov Eýropaǵa kete me? Qazaq qaqpashysynyń qaı lıgada oınaǵany jón?
