Beınebaqylaýdan alynǵan kadr
28 jeltoqsanǵa qaraǵan túni Aqtaýdaǵy 33-shaǵynaýdanda jeńil avtokólik órtendi. О́rt týraly habar saǵat 22:40-ta jetken. Oqıǵa «Aqqý» turǵyn úı kesheniniń aýmaǵynda, №7 úıdiń mańynda bolǵan.
Mańǵystaý oblysy tótenshe jaǵdaılar departamentiniń málimetinshe, órt Mercedes-Benz markaly, gaz ballondyq jabdyqpen jabdyqtalǵan avtokólikti sharpyǵan.
Oqıǵa saldarynan qaza tapqandar men zardap shekkender joq.
О́rt saǵat 22:53-te tolyq sóndirildi. Qazirgi ýaqytta órttiń shyǵý sebepteri anyqtalyp jatyr.
Oqıǵa ornyna tótenshe jaǵdaılar qyzmetinen 11 adamnan quralǵan jeke quram jáne 2 birlik tehnıka jumyldyrylǵan.
