Marııa Hadjıeva bul qyzmetke 2019 jyldyń 26 jeltoqsanynda taǵaıyndalǵan edi.
Ol eńbek jolyn 1995 jyly Ádilet mınıstrliginiń Bas zańnama basqarmasynyń konstıtýsııalyq jáne áleýmettik-mádenı zańnama bóliminiń jetekshi konsýltanty laýazymynan bastaǵan.
Baǵaly qaǵazdar naryǵyndaǵy qyzmetin 2000 jyly Ulttyq banktiń zań departamenti baǵaly qaǵazdar naryǵyn jáne jınaqtaýshy zeınetaqy qorlaryn retteýdi quqyqtyq qamtamasyz etý basqarmasynyń bas mamany laýazymynan bastaǵan.
2006 jylǵy qarasha–2008 jylǵy mamyr aralyǵynda Qarjy naryǵy men qarjy uıymdaryn retteý jáne qadaǵalaý agenttiginiń baǵaly qaǵazdar naryǵynyń sýbektilerin jáne jınaqtaýshy zeınetaqy qorlaryn qadaǵalaý departamenti dırektorynyń orynbasary bolyp jumys istedi. 2008 jylǵy mamyrda departament dırektory laýazymyna taǵaıyndalyp, 2011 jylǵa deıin jumys istedi.
2011 jyldan bastap Ulttyq banktiń Qarjy naryǵyn jáne qarjy uıymdaryn baqylaý men qadaǵalaý komıteti tóraǵasynyń orynbasary bolǵan.
2014 jyldan bastap Ulttyq banktiń baǵaly qaǵazdar naryǵynyń sýbektilerin qadaǵalaý departamentiniń dırektory laýazymyn atqardy. Odan keıin 2016 jyly Baǵaly qaǵazdar naryǵy departamentin basqardy. 2017 jyly «Baǵaly qaǵazdardyń biryńǵaı tirkeýshisi» AQ Basqarmasy Tóraǵasynyń orynbasary laýazymyna taǵaıyndalyp, bir jyldan keıin oǵan basshylyq etti.
Túrli jyldary «Kazkommers Sekıýrıtız», «Baǵaly qaǵazdardyń ortalyq depozıtarııi», «Baǵaly qaǵazdardyń biryńǵaı tirkeýshisi», «Saqtandyrý tólemderine kepildik berý qorynyń», Qazaqstan qor bırjasynyń Dırektorlar keńesiniń quramyna kirdi.
