Foto: JI
Jańa jyldyq keste: Bılet baǵasy men qosymsha vagondar
Mereke kúnderine oraı QTJ jolaýshylarǵa jaǵymdy jańalyqtar ázirlep otyr. Kompanııanyń málimetinshe, mereke qarsańynda bılet baǵasy ózgerissiz qalady. Kerisinshe, suranys joǵary baǵyttar boıynsha tasymal múmkindigi artady:
- Almaty – Astana: №201 jáne №202 poıyzdary Almatydan 20, 22, 24, 26, 28, 30 jeltoqsan jáne 2, 4 qańtar kúnderi attanady. Al elordadan keri qaraı 21, 23, 25, 27, 29, 31 jeltoqsan men 3, 5 qańtarda jolǵa shyǵady.
- Astana – Shymkent: №203 jáne №204 poıyzdary elordadan 20, 23, 26, 29 jeltoqsan jáne 2 qańtarda júredi. Shymkent qalasynan reıster 22, 25, 28, 30 jeltoqsan men 4 qańtarǵa josparlanǵan.
- Aqtóbe – Astana: №257 jáne №258 poıyzdary Aqtóbeden 20, 23, 26, 29 jeltoqsan jáne 2 qańtarda shyǵady. Astanadan keri qaıtý reısteri 22, 24, 28, 30 jeltoqsan men 4 qańtar kúnderine belgilendi.
Buǵan deıin «Jolaýshylar tasymaly» AQ shveısarııalyq Stadler kompanııasymen 557 jańa vagon satyp alý týraly kelisimge kelgen bolatyn. Bul zamanaýı vagondardyń (kýpe, plaskart, múmkindigi shekteýli jandarǵa arnalǵan jáne generatorly vagondar) alǵashqy legi 2026 jyldyń qańtarynan bastap turaqty baǵyttarǵa shyǵaryla bastaıdy. Jańa poıyzdar kondısıonerlermen, beınebaqylaýmen, órt sóndirý júıesimen jáne ár orynǵa arnalǵan USB-uıashyqtarmen jabdyqtalǵan.
Áýe qatynasy: Qosymsha reıster men tıimdi josparlaý
Almaty, Shymkent jáne Aqtaý sııaqty negizgi baǵyttar boıynsha syıymdylyǵy joǵary iri ushaqtar men qosymsha reıster belgilenedi:
- SCAT avıakompanııasy (39 reıs): Eń kóp ósim Astana – Almaty (16 reıs) jáne Almaty – Shymkent (10 reıs) baǵyttarynda baıqalady. Sondaı-aq Almatydan Máskeýge (7), Jezqazǵanǵa (2), Aqtóbege (2), О́skemenge (1) jáne Astanadan Shymkentke (1) qosymsha ushaqtar qatynaıdy.
- FlyArystan avıakompanııasy (39 reıs): Astana men Almaty arasynda 9 reıs qosty. Sonymen qatar Shymkent, Pavlodar, Aqtóbe, Atyraý, Oral, Qostanaı, Qyzylorda, Túrkistan, Aqtaý jáne Qaraǵandy baǵyttary boıynsha reıster sany artty.
- Air Astana avıakompanııasy (10 reıs): Áýe kompanııasy Astana – Almaty baǵyty boıynsha qosymsha 10 reıs oryndaıdy. Qazirgi ýaqytta basqa da baǵyttar boıynsha reısterdi kóbeıtý máselesi qarastyrylyp jatyr.
- Qazaq Air avıakompanııasy (3 reıs): Elordadan Aqtóbe, Shymkent jáne Qyzylorda qalalaryna qosymsha bir-bir reısten qosyldy.
Kólik vıse-mınıstri Maqsat Qalıakparov keler jyly áýe bıletteriniń baǵasyn kóterý josparda joq ekenin atap ótti. Búginde jolaýshylardyń 50%-dan astamy óz saparlaryn aldyn ala josparlaýǵa daǵdylanǵan.
