Sýret: gov.kz
- Qytaıdyń Shenchjen qalasynda tennısten «World Tennis Continental Cup» týrnır aıaqtaldy. Bul jarysta Álem quramasy Eýropa quramasyna qarsy oınady. Álem quramasy sapynda elimizdiń birinshi raketkasy Elena Rybakına da óner kórsetti. Tusaýkeser kezdesýinde jerlesimiz WTA reıtınginde ekinshi orynda turǵan Iga Shventekten (Polsha) 3:6, 3:6 esebimen utyldy. Kelesi kúni Elena Olımpıada chempıony Belında Benchıchten (Shveısarııa) basym tústi – 6:3, 6:4. Dál sol kúni Andreı Rýblevpen (Reseı) jup qurǵan ol Valanten Vashro (Monako) men Iga Shventekke shań qaptyrdy – 6:4, 6:4.
- Chehııa astanasy – Pragada aralas jekpe-jekten Oktagon 81 týrnıri uıymdastyryldy. Jeńil salmaqtaǵy chempıondyq belbeý úshin Jalǵas Jumaǵulov (18-9) pen chehııalyq Davıd Dvorjak (22-6) kúsh synasty. Bul básekede úsh raýnd boıy bizdiń sportshy basym boldy. Odan keıin jaraqatyn jeleý ótken Dvorjak kezdesýdi jalǵastyrýdan bas tartty. Jekpe-jek aıaqtalǵannan keıin Jalǵas joǵary salmaqqa ótetinin jarııa etti.
- Tarazda fýtzaldan el kýbogi jolyndaǵy jarystyń sheshýshi oıyndary ótti. Jartylaı fınalda «Aqtóbe» aıdy aspanǵa shyǵaryp, dańqty «Qaıratty» jolynan yǵystyrdy – 5:4. Kelesi oıynda «Semeı» «Atyraýdy» ázer utty – 4:3. Fınalda «Semeı» men «Atyraý» klýbtary ózara sheberlik baıqasty. Bul básekede Abaı oblysynyń ókilderi basymdyq tanytty. О́z qarsylastaryn 5:2 esebimen utqan olar el kýboginiń ıegeri atandy.
- Elimizdiń ulttyq quramasy men Semeıdiń «Elimaı» klýbynyń 22 jastaǵy jartylaı qorǵaýshysy Ǵalymjan Kenjebek aldaǵy maýsymda Reseı premer-lıgasynda óner kórsetip júrgen Groznyıdyń «Ahmatynyń» namysyn qorǵaıdy. Qazirgi kezde dál osy komanda da elimizdiń taǵy bir tanymal fýtbolshysy Maksım Samorodov oınap júr. Al «Tobyldyń» oıynshysy Islam Chesnokov Shotlandııanyń «Harts» klýbynyń jeıdesin kıedi.
- О́skemende voleıboldan áıelder arasyndaǵy el kýboginiń ıegeri anyqtaldy. Fınalda Túrkistannyń «Turany» men Petropavldyń «Qýanyshy» kezdesti. Bul báseke 23:25, 25:19, 21:25, 28:26, 15:9 esebimen «Turannyń» paıdasyna sheshildi.
