Sýret: kaz.inform.kz
О́ńirlik jumyspen qamtý jáne áleýmettik baǵdarlamalardy úılestirý basqarmasynyń málimetine súıensek, jyl basynan oblys kóleminde 26,8 myń adam jumysqa ornalastyrylǵan. Onyń ishinde turaqty jumys oryndarymen – 19,4 myń adam, ınfraqurylymdyq jobalar arqyly – 1,2 myń, sýbsıdııalanatyn jumys oryndarymen 6,2 myń adam qamtylǵan.
– Bulardyń basym bóligi «Jumysshy mamandyqtary jyly» aıasynda júzege asqan jobalar nátıjesinde múmkin bolǵanyn aıta ketken jón. Máselen, áleýmettik jumys oryndaryna – 1015, Jastar praktıkasyna – 1302, qoǵamdyq jumystarǵa – 2714, «Birinshi jumys orny» baǵdarlamasyna – 314, «Urpaqtar kelisimshartyna» 21 adam tartyldy. Negizi maman tapshylyǵy belgili bir óńirdegi eńbek naryǵyna baılanysty bolyp keledi. Osy oraıda Pavlodar – iri kásiporyndar men úlken zaýyttar shoǵyrlanǵan oblys bolǵandyqtan, tehnıkalyq mamandyqtarǵa qajettilik árdaıym joǵary. Bıyl osy baǵyttarǵa basymdyq berildi, – deıdi basqarma basshysy Samal Qadyrova.
Oblystyq bilim basqarmasynyń málimetinshe, jalpy tehnıkalyq, kásiptik bilimi bar mamandardy daıarlaýǵa arnalǵan memlekettik bilim berý tapsyrysy bıylǵy oqý jylynda aıtarlyqtaı ulǵaıa túsken. 2025–2026 oqý jylyna arnalǵan memlekettik tapsyrysqa 650 nysanaly kadrlar daıarlaý orny kiredi. Sonyń ishinde keıingi ýaqytta suranys ósken ınjenerlik sala, óńdeý, qurylys, qyzmet kórsetý, bıznes, basqarý, quqyq, aqparattyq-kommýnıkasııalyq tehnologııalar salalaryna qajettilik eskerilgen.
– Atap aıtqanda, ınjenerlik, óńdeý, qurylys salalaryna – 3045, qyzmet kórsetýge – 700, bıznes, basqarý jáne quqyqqa – 615, aqparattyq-kommýnıkasııalyq tehnologııalarǵa 515 oryn mólsherinde memlekettik bilim berý tapsyrysy bólingen. Osy oraıda kásiporyndardyń ótinimderimen mindetti jumyspen qamtylatyn kadrlardy nysanaly daıarlaý engizildi, – deıdi óńirlik bilim basqarmasynyń basshysy Áıgerim Ábenova.
Oblysta «Jumysshy mamandyqtary jyly» aıasynda 50 myńnan astam adamdy qamtyǵan 60-tan astam is-shara ótkizilgen. Jaz mezgilinde 25 kolledj bazasynda oblys mektepteriniń oqýshylaryna arnalǵan kásiptik baǵdarlaý lagerleri jumys istese, jergilikti kásiporyndar men sharýa qojalyqtarynda eńbek etken joǵary synyp oqýshylary men stýdentter sany bıyl 12 myńǵa jýyqtaǵan. О́ńir kásiporyndarymen birlesip ótkizilgen «MamandyqFest» festıvali 11 myńnan astam adamdy jınady. 22 kolledj áleýmettik seriktestermen birlesip, 48 jańa mamandyqqa qatysty bilim baǵdarlamalaryn ázirlegen. Jumysshy mamandyqtarynyń oń ımıdjin qalyptastyrý, jastar arasynda bedelin arttyrý maqsatynda «100 jańa tulǵa» jobasy iske qosyldy.
О́ńir basshylyǵy jas kadrlardy qoldaý baǵdarlamalarynyń aýqymy ári qaraı keńeıtiletinin, ónerkásiptik kásiporyndarmen yntymaqtastyq kúsheıtiletinin, jastar arasynda jumysshy mamandyqtardyń bedelin arttyrý jónindegi jumystar jalǵasa beretinin aıtady.
Pavlodar oblysy
