Illıýstrasııa: ashyq derekkóz
Áıelge buzaqylyq deregi boıynsha aıyp taǵyldy. Atap aıtqanda, ol áýe kemesiniń bortynda qoǵamdyq tártipti óreskel buzyp, qoǵamǵa ashyq túrde qurmetsizdik tanytyp, azamattarǵa kúsh qoldanǵany úshin jaýapqa tartyldy.
Sotta anyqtalǵandaı, jolaýshy ushaq ishinde kórsetilgen qyzmetke narazylyq bildirip, bortserikterge kúsh qoldanǵan. Alaıda olardyń densaýlyǵyna zııan kelmegen.
Sottalýshynyń kinási óz aıǵaqtarymen, jábirlenýshilerdiń kórsetýlerimen jáne taraptar daý aıtpaǵan qylmystyq is materıaldarymen tolyq dáleldengen. Áıel kinásin tolyq moıyndap, keshirim suraǵan ári jazany bas bostandyǵynan aıyrmaı taǵaıyndaýdy ótingen.
Sot sheshimimen oǵan tórt jylǵa bas bostandyǵyn shekteý jazasy belgilendi. Sonymen qatar sot áıeldi esirtkige táýeldilikten májbúrli emdeýge jiberip, eki jábirlenýshiniń paıdasyna 2 mln teńge moraldyq zııan ótemaqysyn, sondaı-aq memleket kirisine prosessýaldyq shyǵyndardy óndirip alýdy mindettedi.
Úkim ázirge zańdy kúshine engen joq.
