Foto: gov.kz
Aıyppul
Buzýshylyqtar úshin 30-dan 2000 AEK-ke deıin (130 myńnan 8,6 mıllıon teńgege deıin) aıyppul salý kózdelgen.
«Budan basqa, quzyretti mınıstrlik jeke jáne zańdy tulǵalardyń derbes derekter jáne olardy qorǵaý máseleleri boıynsha ótinishterin, QR ÁQBtK-niń 79-babynda kózdelgen ákimshilik quqyq buzýshylyqtar týraly isterdi qaraýǵa, sondaı-aq jospardan tys tekserýler júrgizýge ýákiletti» dep jazylǵan jaýapta.
Bıometrııalyq sáıkestendirý
Ol sondaı-aq Qazaqstanda bıometrııa jáne betbeıne arqyly taný júıelerin retke keltirý josparlanyp otyrǵanyn habarlady. Bul Sandyq kodeks jobasynda qarastyrylǵan.
Qujatqa sáıkes bıometrııalyq sáıkestendirý tek Ulttyq bıometrııalyq sáıkestendirý júıesi arqyly júrgiziledi. Ol úshin jeke erejeler ázirlenedi, onda bıometrıkalyq derekter qalaı jınalatyny, saqtalatyny jáne joıylatyny jazylady.
Derbes derekter elde ornalasqan serverlerde saqtalýy tıis
Jasulan Mádıev avtokólikter arqyly derbes derekterdiń taralyp ketý qaýpine túsinikteme bere otyryp, azamattardyń derekterin úshinshi tulǵalarǵa nemese shetelge berý tek ıesiniń kelisimimen ǵana múmkin bolatynyn túsindirdi.
Zań boıynsha derbes derekter elde ornalasqan serverlerde saqtalýy tıis. Derekterdi elden tys jerlerde berýge jáne saqtaýǵa adamnyń kelisimi bolǵanda jáne osyndaı derekter bazasy Qazaqstan aýmaǵynda da bolǵan jaǵdaıda ǵana jol beriledi.
«Búgingi kúni derbes derekterge ruqsatsyz qol jetkizýdi boldyrmaý maqsatynda derekterdi jasyrý jáne heshteý, sondaı-aq derbes derekteri bar bazalardan jappaı qoldanýǵa zańnamalyq tyıym salýdy engizý týraly másele pysyqtalýda, bul azamattardyń derekterin úshinshi tulǵalarǵa jáne shetelge berý múmkindigin boldyrmaýǵa yqpal etedi», dedi J.Mádıev.
