Apat 2 qańtar kúni tańerteń «Gelıos» janarmaı quıý beketi mańyndaǵy temirjol ótkelinde bolǵan.
Aldyn ala málimetter boıynsha, Chevrolet markaly avtokólikti basqarǵan áıel jaqyndap kele jatqan teplovozdy baıqamaı, temirjol quramymen soqtyǵysqan. Soqqy dál sol sátte poıyz ótip jatqan ótkelde oryn alǵan.
Oqıǵanyń mán-jaıy naqtylanýda. Apat ornynda polısııa qyzmetkerleri men jedel qyzmet ókilderi jumys istedi.
Mańǵystaý oblystyq polısııa departamentinde jeńil avtokólik júrgizýshisine qatysty ákimshilik hattama toltyrylǵanyn habarlady. Is Ákimshilik quqyq buzýshylyq týraly kodekstiń 610-baby, jol júrisi qaǵıdalaryn buzý, adamnyń densaýlyǵyna zııan keltirý jáne múlikke zalal keltirý boıynsha qozǵalǵan.
Quqyq qorǵaý organdary temirjol ótkelderinen ótý kezinde barynsha muqııat bolý qajettigin eske saldy.
Mańǵystaý oblystyq kópbeıindi aýrýhanasynyń málimetinshe, zardap shekken áıeldiń bilegi synǵan. Onyń jaǵdaıy ortasha aýyr dep baǵalanady, ómirine qaýip joq.
